Accessibility links

Кайнар хәбәр

Yevropa Berlege häm AQŞ arasında Ğiraq suğışı tiräsendäge kierenkelekne çişügä taba adım: Däwlät Sekretare Colin Powell Brusselgä bara


Pänceşämbe könne Amerikan Däwlät Sekretare Colin Powellnıñ Yevropa Berlege citäkçeläre belän bulaçaq oçraşuın Berlek üze-Ğiraq suğışı mäs’äläsendä tuğan kierenkelekne beterügä taba adım dip bäyäli. Berlekneñ matbuğat wäkile Emma Udwin, pänceşämbe könne Yevropa Berlege räsmiläre öçen Amerika pozitziäsen “tıñlarğa” häm “añlarğa” mömkinlek tudırılaçaq, dip belderde. Yevropa Berlege Ğiraqnı suğıştan soñ tözekländerü eşendä Berläşkän Millätlär Oyışmasınıñ töp rolne uynawın teli. İke könnän bulaçaq oçraşu isä-konkret plannar turında söyläşer öçen bik irtä. Rusiä tışqı eşlär ministrlığı, Amerikan Däwlät Sekretare Powell Brusseldä şulay uq Rusiä ministrı İgor İvanov belän dä oçraşaçaq, dip xäbär itte. Brusselgä kitkänçe Powell Törkiädä qısqa tuqtılış yasap Ğiraq tiräsendäge wazğiät mäs’äläsendä Törkiä räsmiläre belän söyläşülär uzdıraçaq. Collin Powellnıñ Törkiädän tağın ni dä bulsa sorayaçağın Törkiä räsmiläre kire qağa. Tışqı eşlär ministrı Abdullah Gül Powell barı tik-koalitsiädäge ber däwlätkä säfär yasıy, dip belderde. “Aldan uylanğan köntärtibe yuq, Powellneñ bu säfäre –soñğı könnärdä tuğan qayber şiklärgä açıqlıq kerter öçen yaxşı bulaçaq. Törkiä häm Amerikan yağı bulaçaq bu säfärne xuplıy”, dide tışqı eşlär ministrı Abdulla Gül.
XS
SM
MD
LG