Accessibility links

шимбә, 10 декабрь 2016, Казан вакыты 02:23

Tönyaq Koreanıñ qisqa ara raketa sanawları uzdıruı turındağı xäbär raslanmadı


Bügen irtän Yaponiä häm Pentagon räsmiläre, Tönyaq Korea üzeneñ tönyaqkönbatış yarında qısqa ara cir-köymä raketası sınawları uzdırğan dip xäbär itsä dä soñıraq Könyaq Koreanıñ saqlanu ministrlığı bu xäbärne kire qaqtı. Seouldağı saqlanu ministrlığınıñ matbuğat wäkile, Könyaq Körea häm Amerikan küzläw idäräse bu xäbärne tikşerde, Tönyaqnıñ raketa atqan buluına dälillär tabılmadı, dip belderde. Bu qarşılıqlı mäğlümatlärgä äle ber añlatma da bulmadı. Rusiä premyer-ministrı urınbasarı Alexandr Losyukov, Ğiraqta barğan suğış Tönyaq Koreanı üzeneñ atom sänäğäten nığıtuğa etärä, dip belderde. Anıñ süzlärenä qarağanda, Tönyaq Korea şulay itep-totrıqlılıq häm iminlek buldıru yünäleşendä eşlämi. Tönyaq Korea belän Quşma Ştatları arasında ber nindi dä bäyläneşlärneñ bulmawı wazğiätne tağın da qatlawlandıra. Kiçä Losyukov, Könyaq Koreanı, Quşma Ştatlarğa Tönyaq belän söyläşülär başlar öçen basım yasarğa çaqırdı.

XS
SM
MD
LG