Çärşämbe irtäsendä Bagdad qalası ğädättägeçä utqa totıldı. Reuters xäbärçese kimendä 6 şartlaw turında xäbär itä. Xädäflär arasında ğädättägeçä xäkümät binaları, prezident sarayları. Ul arada başqaladan 80 çaqırım yıraqlıqta urnaşqan Kerbala şähäre tiräsendä Amerikan xärbiläre belän Cömhüriät saqçıları arasında qatı bäreleş bara. Könbatış xäbär agentlıqları bu Ğiraqnıñ elit köçläre belän berençe qatı bäreleş dip xäbär itä. Kerbala tiräsendä Respublikan gvardiäseneñ iñ yaxşı äzerlekle dip sanalğan Mädinä diviziäse tora. Bagdadqa taba barğan kolaitsiä köçlärenä töp qarlığıqnı näq menä alar kürsäter dip kötelä. Gvardiä nığıtmaları ike kön rätän raketa häm bomba utına totıldı. Pentagon räsmiläre äytüençä, hawa xöcümnäre näticäsendä Mädinä diviziäsenä zur zıyan kilgän, anıñ saqlanu säläte xäzer 50 protsenttan da tübän.
Bulğan mäglümätkä qarağanda koalitsiä köçläre Bagdadqa 3 yaqtan kilä: Ğifrat yılğasınıñ här ike yarı buylap häm dä könyaq-könçığıştan. Sişämbedä Diwaniä şähäre tiräsendä amerikan desantçıları belän gvardiäçelär arasnıda bäreleşlär buldı. 75 Ğiraq soldatı üterelgän, 40-ı äsir itep alınğan dielä. Koalitsiä saflarında yugaltular turında mäglümät yuq. Kiçä Hilla şähäre tiräse köçle bomba utına totıldı. Sivil xalıq arasında bik küp qorbannar bar, digän xäbärlär kilde. Amerikan xärbiläreneñ Qatarda urnaşqan üzäk idaräse bu xälne tikşerä başladı.
Sişämbedä mäğlümät ministrı Möxämmät Säet Äl-Sahaf Ğiraq televideniese aşa prezident Säddam Xösäinneñ möräcägäten uqıp birde. Saddam Ğiraq xalqın basıp aluçılarğa qarşı suğışırğa, cihadqa çaqıra häm ciñü wäğdä itä. Säddamnıñ üzeneñ televideniedä uzğan şimbädän birle kürengäne yuq. Bu uñaydan Saddam üze isän mikän digän sorawlar quyıla.
Quşma Ştatlar saqlanu ministrı Donald Rumsfeld Saddamnıñ televizorda şäxsän kürenmäwen qızıqlı mäglümät dip atadı. Berük waqıtta anıñ süzlärençä, Ğiraq räsmiläre Quşma Ştatlar alarğa söyläşülär başlarğa täqdim itä digän xäbär taratqan. Rumsfeld bu xäbärne yalğan dip atadı:
Audio (Donald Rumsfeld): Bernindi söyläşülär dä barmıy. Bu suğışnıñ ber genä axırı bulaçaq - Saddam Xösäin häm anıñ rejimı bärep töşereläçäk. Koalitsiä alar belän ber genä närsä turında söyläşü ala – ber şartsız birelü turında.
Rumsfeld suğışnıñ maqsatların iskärtep ütte: Saddam rejimın bärep töşerü, Ğiraq xalqın irekle itü, küpläp üterü qoralın yuq itü. Amerikan räsmiläre Ğiraqnıñ küpläp üterü bu buluında şiklänmäsä dä, älegä qädär ul tabılmadı. Sişämbedä Bagdadta ütkän matbuğat oçraşuında ğiraq vitse-prezidentı Taha Yassin Ramadan bolay dip äytte:
Audio (Taha Yassin Ramadan): Ğiraqnıñ bernindi küpläp üterü qoralı bulmağanın sez yaxşı beläsez. Bu barı tik Ğiraqqa qarşı agressiäne aqlaw öçen säbäp bulıp tora.
Çärşämbe irtäsendä Qatardağı idarä üzägendä matbuğat öçen maxsus belderülär yasawçı general Vincent Brooks xäbärsez yuğalğan ber amerikan xärbieneñ azat itelüwe turında xäbär itte. 19 yäşlek Jessica Lynch martnıñ 23-ndä Nasiriä yanında qulğa alınğan törkemdä bulğan. Ğiraq televideniese ul törkemneñ äsir itep alınğan 5 xärbien kürsätte, Jessica alar arasında yuq ide. General Tommy Frnaks süzçese äytüençä, Jessica Nasiriä xastaxanäsendä bulğan. Qıznıñ xäle yaxşı dielä. Ğiraqta xäbärsez yuğalğan Amerikan xärbiläre isemlegendä tağın 15 keşe qala birä.
Ali Gilmi, Praga
Bulğan mäglümätkä qarağanda koalitsiä köçläre Bagdadqa 3 yaqtan kilä: Ğifrat yılğasınıñ här ike yarı buylap häm dä könyaq-könçığıştan. Sişämbedä Diwaniä şähäre tiräsendä amerikan desantçıları belän gvardiäçelär arasnıda bäreleşlär buldı. 75 Ğiraq soldatı üterelgän, 40-ı äsir itep alınğan dielä. Koalitsiä saflarında yugaltular turında mäglümät yuq. Kiçä Hilla şähäre tiräse köçle bomba utına totıldı. Sivil xalıq arasında bik küp qorbannar bar, digän xäbärlär kilde. Amerikan xärbiläreneñ Qatarda urnaşqan üzäk idaräse bu xälne tikşerä başladı.
Sişämbedä mäğlümät ministrı Möxämmät Säet Äl-Sahaf Ğiraq televideniese aşa prezident Säddam Xösäinneñ möräcägäten uqıp birde. Saddam Ğiraq xalqın basıp aluçılarğa qarşı suğışırğa, cihadqa çaqıra häm ciñü wäğdä itä. Säddamnıñ üzeneñ televideniedä uzğan şimbädän birle kürengäne yuq. Bu uñaydan Saddam üze isän mikän digän sorawlar quyıla.
Quşma Ştatlar saqlanu ministrı Donald Rumsfeld Saddamnıñ televizorda şäxsän kürenmäwen qızıqlı mäglümät dip atadı. Berük waqıtta anıñ süzlärençä, Ğiraq räsmiläre Quşma Ştatlar alarğa söyläşülär başlarğa täqdim itä digän xäbär taratqan. Rumsfeld bu xäbärne yalğan dip atadı:
Audio (Donald Rumsfeld): Bernindi söyläşülär dä barmıy. Bu suğışnıñ ber genä axırı bulaçaq - Saddam Xösäin häm anıñ rejimı bärep töşereläçäk. Koalitsiä alar belän ber genä närsä turında söyläşü ala – ber şartsız birelü turında.
Rumsfeld suğışnıñ maqsatların iskärtep ütte: Saddam rejimın bärep töşerü, Ğiraq xalqın irekle itü, küpläp üterü qoralın yuq itü. Amerikan räsmiläre Ğiraqnıñ küpläp üterü bu buluında şiklänmäsä dä, älegä qädär ul tabılmadı. Sişämbedä Bagdadta ütkän matbuğat oçraşuında ğiraq vitse-prezidentı Taha Yassin Ramadan bolay dip äytte:
Audio (Taha Yassin Ramadan): Ğiraqnıñ bernindi küpläp üterü qoralı bulmağanın sez yaxşı beläsez. Bu barı tik Ğiraqqa qarşı agressiäne aqlaw öçen säbäp bulıp tora.
Çärşämbe irtäsendä Qatardağı idarä üzägendä matbuğat öçen maxsus belderülär yasawçı general Vincent Brooks xäbärsez yuğalğan ber amerikan xärbieneñ azat itelüwe turında xäbär itte. 19 yäşlek Jessica Lynch martnıñ 23-ndä Nasiriä yanında qulğa alınğan törkemdä bulğan. Ğiraq televideniese ul törkemneñ äsir itep alınğan 5 xärbien kürsätte, Jessica alar arasında yuq ide. General Tommy Frnaks süzçese äytüençä, Jessica Nasiriä xastaxanäsendä bulğan. Qıznıñ xäle yaxşı dielä. Ğiraqta xäbärsez yuğalğan Amerikan xärbiläre isemlegendä tağın 15 keşe qala birä.
Ali Gilmi, Praga