Accessibility links

чәршәмбе, 22 февраль 2017, Казан вакыты 02:54

BMOnıŋ humanitar oyışmaları Ğıraqqa yardәm mәsәlәsendә problemmalar aldında toralar.


BMOnıŋ humanitar mәsәlәlәr buyınça belgeçlәre , Iminlek Şurasınıŋ neftegә azıq-tөlek digәn programmanı yaŋartu qararı aşığıç yardәm өçen kontraktlar tәzü өçen az vaqıt birә. Bu inde ber aydan soŋ diәrlek milionnağan ğıraqlı ilne kontrol itkәn xakimiәtlәrneŋ yәisә BMOsı agentlıqları belәn xөkümәttәn bәysez tөrkemnәrneŋ yardәmennәn bәyle bulaçaq digәn süz. Ber ük vaqıtta su hәm elektr citeşsezlege dә borçılu tudıra. Radiobıznıŋ BMOdağı mәxsus xәbәrçeseneŋ mәğlümәtlәre.

Ğıraqnıŋ Kөnyağında Umm Qasr portına azıq-tөlek hәm su kilә başladı. Şulay uq BMOnıŋ yardәme ilneŋ Tөnyağındağı kөrdlәr kontrolendәge urınğa kilep citte. Lәkin, BMOsınıŋ humanitar yardәm өçen cavaplı xemzәtkәrlәre kilәse atnalarda Ğıraq xalqınıŋ ixtiacların tәmin itә alaçaqlarına şiklәnәlәr. Küpçelek ğıraqlılarnıŋ azıq-tөlek zapası May ayına qәdәre citәçәk dip uylanıla. BMOsı rәsmi şәxeslәre, ul vaqıtqaça kirәkle azıq-tөlek, hәm başqa kirәk yaraqlar әzer bulsın dip tırışalar. Berençe maqsәt 16 milion ğıraqlığa qarağan neftegә azıq-tөlek programmasınıŋ nәticәlelegen torğızu bulıp tora. BMOnıŋ Dөnya Azıq-tөlek programmasınıŋ belgeçe Phillip Ward BMOsı baş kvartirında neftegә azıa-tөlek sistemaın torğızu zarur dip әytte.

Audio

"Ğıraqta oyıştırılğan ictimaği azıq-tөlek tapşıru sisteması , moxtaclarğa yardәmne citkerü өçen iŋ nәticәle yul bulıp tora. Ul bügenge kөndә ildәge berdәn ber yul. Şul sәbәple bezneŋ plannar ul sistemağa tayanıp әzerlәnde."

Lәkin, Iminlek Şurasınıŋ bu sistemanı yaŋartu turındağı rezolutsiәse 45 kөn genә üz kөçendә. Bu BMOsı humanitar agentlıqlarına, yardәm kontraktları tөzelgәn tәminatçılarğa bu eşne başlauları өçen aşığıç rәveştә alar belәn elemtәgә kerü vazıyfasın yөkli. BMOsınıŋ 40 ildәge tәminatçılar belәn 450 kontraktı bar. Alar belәn elemtәgә kerep yardәmneŋ vaqıtında tieşle urınğa barıp citüen buldırıra kirәk. Moŋa çaqlı neftegә azıq-tөlek programması өçen Ğıraq xөkümәte cavaplı ide Xәzer isә bu vazıyfa BMOsına tөşә. BMOnıŋ Ğıraq programması xezmәtkәrlәrennәn Darko Moçibahb bolay dide

Audio

"Bez kontraktorlarnıŋ küpçelegennәn uŋay cavap alırbız dip өmetlәnәbez. Lәkin, bu әle alarnıŋ 45 kөn eçendә yardәm cibәrә alaçaqların aŋlatmıy."

Әlbәttә, Ğıraq xalqına yardәm itü mәsәlәsendә tөp cavaplılıq berektәşlәrgә tөşә. BMOsınıŋ Humanitar mәsәlәlәr buyınça koordinatsiә byurosınıŋ xezmәtkәre Oliver Yuliknıŋ süzlәrençә, ul urınnı kontrol itkәn kөçlәr qanun hәm tәrtip urnaştırırğa tieşlәr. General sekretar Annan birgәn kürsәtmәgә esasәn, humanitar yardәm bәysez, tarafsız hәm xәrbi bulmağan şәxeslәrneŋ kotrolendә bulırğa tieş. Bügenge kөndә Ğıraq imin tügel. Anda zur külәmdә yardәm kiterep bulmıy. Bu inde yardәmnәn byle bulğan Ğıraq xalqınıŋ vazğiәten qıyınlaştıra.

Fәrit Idelle, Praga.
XS
SM
MD
LG