Accessibility links

шимбә, 10 декабрь 2016, Казан вакыты 15:57

Ğıraq suğışı belän bäyleneşle waqıyğälär


AQŞ xärbi köçläreneñ Bagdadqa taba baruı tizlende.Alar başqalanıñ könyaq könçığış häm könbatışında koordinatsiälängän höcümnär oyıştırğanda, oçqıçlar Bagdad häm tönyaq Ğıraqnı bombalıy. Boralaqlar häm auçı oçqıçları Nacaf tiräse häm Saddamnıñ fedayinnärenä häcümnär oyıştırdı. Bagdadtqa yasalaçaq sonğı höcümneñ başlanğıçı yaqınlaşıp kilä digän täsir qala.

Bugenge xabärlärgä qarağanda Bagdadqa taba barğan amerika köçläre ike frontta möhim uñışqa ireşkän. AQŞ dingez pixotası Kut yaqınnada Tigris yılğasın ütep başqalağa barğan 6.olı yulnı kontrole astına quyğan. Bagdadtan 80çaqırım könyaqta Kärbelädä bugen irtänge säğätlärdä cömhäriät saqçılarınıñ Mädinä Diviziäse belän AQŞ xärbiläre arasında qatı ciröste suğışı bulıp alğan. Bagdad bugen dä bik qatı bombalandı . Awstralia saqlanu ministırı Robert Hill süzlärençä ike atna däwam itkän suğışta möhim mizgelgä yaqınlaşıp kiläbez. Başqala tiräsendä barğan aktivlıq sonğı höcümneñ başlanğıçı digän täsir qaldıra. Ğıraq räsmiläre Bagdadtta bik qatı qarşılıq kürästeläçäk dip äytä. Saqlanu ministırı Haşim Axmäd (audio) 13könnän birle däwam itkän suğıştan soñ doşman beznen pozitsiä, urınnarbız turında mäğlümätkä iä.Şul säbäple doşman Bagdadqa yaqınlaşunıñ bäyäse yuğarı bulaçak dip belä. Axmädneñ bu süzlärennän soñ prezident Saddam Xösäinneñ belderüe televidiniädä uqıldı. Ul xalıqnı AQŞ vä Britan köçlärenä qarşı izge suğışqa çaqırdı. AQŞ komandirları oyıştırılğan yözlärçä hava höcümennän soñ Saddam isänme yuqmı belmibez dip äytä. Waşington da London da Saddamnıñ sonğı könnärdä televidiniädä kürenmäwe , anıñ yazmışı turında soraular tudıra dip belderä. Ğıraq räsmiläre Saddamnıñ ülgän ,yaralanğan bulıu turındağı barlıq xabärlärne kire qağa. Ğıraq televidiäse här kön diärlek Saddamnı , yaqın kiñäşçeläre belän kürsätä. Ämma ul räsemnär qayçan töşerelgänder, bu turıda ber kem dä ber närsä äytä almi. Saqlanu ministırı D.Rumsfeld , Bagdad AQŞ citäkçeläre belän atışlarnı tuqtatu turında söyläşülär alıp bara digän yalğan xabärlär tarata dip äytte. Anıñ süzlärençä Saddam Xösäin rejimı belän bernindi söyläşülär barmi , suğış Saddam rejimın xakimiättä qaldırmayaçaq . moña şik bulmasın. Saddamnıñ waqıtı tulıp kilä Koalitsiä rejim belän anıñ şartsız birelüe turında ğına söyläşülär alıp baraçaq. Nasiriye xastaxanäsenä yasalğan höcümdä amerikan suğış äsire ber xatın qız Jessica Lynchneñ qotqarıluı , ğäskärlärneñ ruxın kütärgän waqıyğä buldı bugen . AQŞ generale Vincent Brooks Qatardağı üzäk komandalıqta ütkängän brifingta (audio) Koalitsiä köçläre uñışlı operatsiädä ğıraqlılar qulında bulğan AQŞ suğış äsiren qotqardı . Xärbi , koalitsiä köçläre kontrolendäge urınğa qayttı Bagdadnıñ könyağında Hillada ber ğıraqlı 11 keşelek ğailäse amerikan boralağınıñ ut açuı näticändä üterelde dip belderde. Xabärlärgä qarağanda şähärne bombalau waqıtında 33 keşe häläk bulğan. Xalıqara qızlı xaç oyışmasınıñ süzçese cirle hastaxanädäge xällärne qotoçqıç dip taswirlap distälärçä izelgän mäyet kürdem dip belderde. Farsı Qultığındağı Britan köçläreneñ komandirı Brian Burridge BBCgä birgän ängämäsendä, Koalitsiä köçläre sivil yuğaltularğa yul quymas öçen bik diqqätle xäräkät itäçäk dip belderde. Britan köçläre bilgele bulğança Ğıraqnıñ könyağında aktivlıq alıp bara. Alar Basra şähren alırğa tırışa. Briatn Komandirı Saddam rejimın bärep töşergänşe waqıt ütäçäk dide.Suğış belän bäyläneşle başqa ber xabär: AQŞ däwlät sekeratrı C.Powell Ankarada ul kollegası, Gül, premier Erdoğan , prezident Sezer häm qorallı köçlär başlığı Özkök belän küreşä. Bilgele bulğança Törkiä üz territoriäsendä amerikan xärbiläreneñ urnaşuına röxsät birmägän, tik amerikan oçqıçları na oçu röxsäte genä birgän ide. Xabärlägä qarağanda Powell törklärdän logistik yaqlau sorağan. Bu turıda häm suğış belän bäyläneşle başqa yañalıqlar aldağı tapşırularda

Färidä Xämit, Praga
XS
SM
MD
LG