Dönya Sälämätlek Oyışması Hong Kongka häm könyaq Qıtaydağı Guangdong provinsiäsenä barmasqa çaqırdı. Niçä yılda berençe tapqır Oyışma mondıy belderü yasadı. Pnevmoniäneñ yaña töre kimendä 75 keşeneñ ğömeren özde, 1800dän artıq keşe bu çirne yoqtırğan dip isäplänä. Aziä däwlätlärenä säyäxät itüçelär ğadättä bu virusnı dönyanıñ başqa illärenä dä alıp qaytıp taratalar. Xalıqara sälämätlek saqlaw belgeçläre-virusnıñ närsä bulğanın açıqlağannar, dip xäbär itelä, läkin bilgesez bu çirgä däwa äle tabılmağan. Dönya Sälämätlek Oyışması wäkilläre üpkä yalqınsınuınıñ yaña töreneñ Hong Kongta eçär su yä kanalizatsiä aşa taraluı ixtimal dip kisätä. Moña qadär awıru keşedän keşegä küçä dip farazlana ide.
