Accessibility links

сишәмбе, 6 декабрь 2016, Казан вакыты 21:06

Tatarstanda Könyaq-Könçığış Aziädän kilüçe oçqıçlarnı tikşerü köçäytelde.


Tatarstanda da yaña tör üpkä yalqınsınuınnan saqlanalar. Hawa alanında Könyaq-Konçığış Aziädän kilüçe oçqıçlarnı tikşerü köçäytelde. Ayırım alğanda İndoneziä, Qıtay, Fillipin, Vietnam, Singapurdan kilgän keşelärne nıqlap tikşerälär. «Qazan» häm «Begişevo» hawa alanında karantinğa yabıp totu urınnarı buldırılğan. Ä oçqıç xezmätkärlärenä nindi dä bulsa yalqınsınu, salqın tıü belän awıruçılarnı küzätergä digän kürsätmä birelgän. Bu xaqta respublika baş sanitariä tabibınıñ urınbasarı Vladimir Trifonov xäbär itte.

May bäyrämenärendä yal itärgä kitärgä teläweçlär buluın istä totıp ul, Hoñkoñ, Qıtay, Singapur häm Vietnamğa barmıy torırğa kiñäş itä. Äğär awıru barıber ütep kersä, Qazannıñ barlıq meditsina xezmätläre üpkä yalqınsınuınıñ yaña töre belän awırıp kitüçelärgä yärdämgä kilergä äzer.

XS
SM
MD
LG