Accessibility links

сишәмбе, 6 декабрь 2016, Казан вакыты 15:17

Udmurtiä häm Tatarstan respublikaları arasında duslıq häm xezmättäşlek turında kileşü tözelde.


2 aprildä Tatarstan Prezidentınıñ Udmurtiägä räsmi säfäre başlandı. İntertat.ru agentlığı xäbär itkänçä, İjaw hawa alanında anı respublika Prezidentı, xökümät başlığı, şähär merı qarşıladı. Soñğı tapqır Mintimer Şäymiev anda 1992 yılda bulğan häm şuşı waqıtta tözelgän iqtisadıy xezmättäşlek turındağı kileşü älegä qädär eşlägän. Xäzer şuşı kileşügä yaña sulış öreler, dip kötelä. «Bezneñ xezmättäşlek konstruktiv häm anı tiränäytergä kiräk», - dip belderde Şäymiev. Şäymiev, şulay uq, iqtisad ölkäsendä urtaq eş alıp baru mömkinlekläre ğayät zur, dip äytep, ike respublika arasındağı kileşüneñ 10 yıllıq näticälärğä tuqtaldı. «İke respublikada da, xakimiätlär xalıq mänfäğätlären qayğırtıp eşli häm Prezident Aleksandr Volkovnıñ xezmättäşlär komandasın tuplıy aluına şatmın», - dip beldergän anda Tatarstan prezidentı. İjawda prezidentlar «Neftemaş» şirkäten barıp qarağan. Bu oyışma neft häm gaz tabu öçen maxsus cihazlar eşli. Şulay itep, bu baruda «Tatneft» häm «Neftemaş» arasında kileşü tözelergä mömkin.

Tatarstan Prezidentı här barğan cirdä andağı tatarlar belän oçraşmıyça kitmi. Bu yulı da şulay buldı. Mintimer Şäymievneñ kön tärtibenä, İjawnıñ Cämiğ mäçetendä Udmurtiädäge möfti belän, ä annan soñ Prezident sarayında tatar cämäğätçelege wäkilläre, İjawda belem aluçı tatar studentları belän oçraşular kertelgän.

Soñınnan «İntertat.tu» agentlığı xäbär itkänçä, çärşämbe könne, Şäymiev häm Volkov oçraşuınnan soñ, tuğandaş respublikalar arasında duslıq häm xezmättäşlek turında kileşü tözelde.

XS
SM
MD
LG