Accessibility links

якшәмбе, 11 декабрь 2016, Казан вакыты 05:18

Qazan kibetçeläre niğä tatarça belmi?


Qazannı çit il investorları üz itä başladı. Şähär xakimiätläre ütkärgän matbuğat oçraşuında şundıy belderü yasaldı. Qazannıñ säwdä idäräse başlığı Xaliullin Färit äfände xäbär itkänçä, yaqın arada şvedlarnıñ «İKEA» häm almannarnıñ «METRO» şirkätläre başqalada üz kibetlären açırğa ciena. Yort cihazların satuçı «İKEA» kibeten tözü öçen şähärdä urın inde bülep birelgän. Ä «METRO» şirkäte kibet kenä tügel, yal itä torğan, küñel aça torğan kommersiä üzägen buldırırğa teli.

Qazan eşmäkärlärennän barı tik «Qızıl Şärıq» şirkäteneñ genä çit il investorları belän yarışırlıq xäle bar. Ul häm tağın «Orgsitnez» oyışması şulay uq üzlärenä kibetlär tözü belän şöğellänä. Keçe biznes wäkilläre, bigräk tä tovar taşuçılar, kiläçäktä ere şirkätlär belän yarışa almayaçaq, alar säwdägärlär arasında uz quışlığın tabırğa, yäki yuqqa çığarğa mäcbür bula.

Qazan bazarları şulay uq zur üzgäreşlär kiçeräçäk. Uram satuçıları kibetlärgä, säwdä üzäklärenä kerteläçäk. Maşinadan satu, säwdä idäräse başlığı süzlärençä, 1 ay däwamında beterelergä tieş. Terrordan saqlanu çaraların kürüçe tärtip saqlaw oyışmaları monı taläp itä, çönki yul buylap tezelep kitkän yök maşinaları iminlekkä qurqınıç tudıra.

Şulay itep, kiläçäktä, Qazanda çit ildägeçä yäşäp bulaçaq. Ä tatarça söyläşü onıtılmasmı soñ? Kibetçelär nigä tatarça betmi, milli tovarlar, suvenirlar nigä yuq? Şul sorawlarnı Qazan şähär säwdä idäräse başlığı Färit Fäyzraxman ulı Xaliullinğa birdem. Anıñ äytüençä, ike däwlät telen belü taläbe böten kibetçelärgä quyıla. Säwdädä eşläwçelärne tatarça uqıtalar, ämma kibet xezmätkärläre tiz alışınıp toru säbäple, barısın da uqıtıp beterep bulmıy. Bu asılda mäktäp eşe bulırğa tieş, dide ul. «Ä milli tovarlarnı satu citeşterüçelärdän tora, ixtiac bar, sänäğät eşläp citkermi»,- dip cawap qaytardı şähär säwdä idäräse başlığı Färit Fayzraxman ulı Xaliullin.

XS
SM
MD
LG