Accessibility links

якшәмбе, 4 декабрь 2016, Казан вакыты 11:16

Gretsiädä Ğiraq suğışına qarşı uram cıyınnarı uzdı


İl küläm uzdırılğan bu çarada däwlät xezmäte, eşquarlar, bank xezmätkärläre, uqıtuçılar häm hawa alannarı xezmätkärläre qatnaştı. Başqalada 10 meñgä yaqın keşe Amerikan ilçelege qarşında uzıp Quşma Ştatlarğa qarşı şiğarlär yañğrattı. Tönyaq Gretsiäneñ Thessaloniki şähärendä amerikan ilçelege qarşına15 meñgä yaqın keşe cıyılğan. Barlıq uram cıyınnarı tınıç uzdı, dip xäbär itelä. Şulay uq distälägän meñ keşe bügen İndonesiä, Malaysia, Philippines häm Tailand şähärläre uramnarına çıqqan. Belarus başqalası Minskida isä başqa törle uram cıyını uzdı. Yäşlärneñ “zubr” oyışması Amerikan ilçelege qarşında cıyılıp Quşma Ştatlar citäkçelegendäge köçlärneñ Säddäm Hösäin rejımın bärep töşerü öçen suğış alıp baruına xuplaw belderde. Politsiä uram cıyının tuqtatıp 16 keşene qulğa alğan.

XS
SM
MD
LG