Accessibility links

Yastrzhembsky: Yevropa Şurasınıñ Çeçnyada keşe xoquqlarınıñ bozıluın tikşerü öçen mäxkämä tözüe ziyan ğına kiteräçäk


Yevropa Şurasınıñ Çeçnyada keşe xoquqlarınıñ bozıluın tikşerü öçen suğış cinäyätläre mäxkämäse tözü täqdimen, Kreml “mäğnäsez” dip atadı. Kreml’nıñ Çeçnya mäs’älälärendäge wäkile Sergei Yastrzhembsky, bu yanawnıñ ber qanuni nigeze dä yuq, dip xattä bu süzlärneñ “säsyäsi yaqtan ziyan” kiteräçägenä dä basım yasadı, çönki bu adım-Çeçen nizağına säyäsi çişeleş tabuğa qarşı kilä, dide. Yevropa Şurasınıñ Parlamentar Assambleyası kiçä, ägär dä Çeçnyada monnan soñ da “cäzasızlıq xökem sörsä” tribunal oyıştırırğa çaqırdı. Yevropa Şurası häm xalıqara keşe xoquqları oyışmaları Çeçnyadağı Rusiä ğaskärlären cirle xalıqnıñ xoquqların daimi bozuda ğayepli. Rusiä isä üz çiratında, Çeçnyada terrorğa qarşı kampaniä baruın häm prokurorlarnıñ keşe xoquqların bozu oçraqların tikşerep baruların belderä.
XS
SM
MD
LG