Accessibility links

якшәмбе, 4 декабрь 2016, Казан вакыты 07:05

Rusiä möselmannarı arasında tarqalış


Rusiä möselmannarı Ğiraq suğışı mäs’äläsendä ikegä bülende. İnterfax mäğlümat agentlığı xäbär itüençä Rusiäneñ üzäk diniä nazäräte başlığı möfti TälğatTacetdin, üz tarafdarlarınıñ Quşma Ştatlarğa qarşı suğışır öçen Ğiraq xalqına qoral satıp alırğa aqça cıyaçağın belderde. Rusiä möftiläre şurası başlığı Rawil Ğaynetdin, anıñ oyışması ber nindi dä doşmanlıq yaqlı tügel, dide. Möfti Rawil Ğaynetdinneñ urınbasarı Damir xäzrät Ğizzatulin, Tälğat Tacetdin üz wäkälätlären arttıra, dip östäde. Rusiä Yustitsiä Ministrlığınıñ räsmi wäkile Sergei Nikullin, Tacetdinneñ Ğiraqqa moral häm matdi yardäm kürsätergä teläge Rusiä qanunnarına qarşı kilmi, läkin anıñ çınnan da qoral satıp alıp anı Ğiraqqa cibärü tırışlığı legal bulmayaçaq, digän añlatma birde.

XS
SM
MD
LG