Accessibility links

дүшәмбе, 5 декабрь 2016, Казан вакыты 17:17

Ğıraq xalqına yardäm mäsäläse


Koalitsiä köçläreneñ Bagdad Hawa mäydanıñ kontrolläre astına quyu, şulayuq meñnärçä Ğıraq ğäskäriäneñ birelüe turında uñay xabärlär kilde suğışnıñ 16nçe könendä …Ämma däwam itkän suğış säbäple , xalıqnıñ zur öleşe tizdän azıq-tälek häm su qıtlığı aldında qala ala digän borçılular da bar.. Xalıqara yardäm oyışmaları iminlek urnaşmağanlıqtan ilgä täminat kiterä almıy, Ğıraqnıñ könyağında xalıq suğış başlağançı xästärläp quyğan azıq tölek belän yäşi älegä.

Ğıraqta iminlek tämin itelä almağanlıqtan, taratu üzäkläre buldıru, nigezle yardäm kiterü kiçegep tora. BMOsı qaçaqlar agentlığınıñ süzçese Edna Savage radiobız xabärçesenä suğış başlanğannan birle 16kön eçendä bik az yardäm kerde dip äytkän .Savage sülärençä (audio) BMOsı yardäm oyışmalarınnan bik az yardäm kerde, çönki NY anda imin kerä alasız digän röxsät birmäde Xalıqara qaçaqlar agentlığınıñ süzçese oyışmanıñ törkeme Umm Qasr portında iminlek mäsälälären tikşerde häm sişämbedä Nyqa üz xisabın cibärde, bez anıñ eçtälegen belmibez häm törkemneñ kiñäşlärenä qarap qayçan qarar çığarılır anısın da belmibez dip söylägän. Umm Qasr portı inde ber atna elek britan xärbiläre tarafınnan imin urın dip iğlan itelgän ide. Ütkän comğada anda yözlärçä tonna su yöklängän berençe britan korabı kilde. Berektäşlär könyaq Ğıraqta konvoylar öçen yullarnı kontrol itä ämma şähärlär alar kontrolendä tügel . Yullar da tönen imin tügel çönki Saddamnıñ feadyennäre sivil kiyemdä okupatsiä astındağı urınnarğa kerep yöri ikän. Älbättä iminlek yardäm oyışmaları öçen prinsıp borçılu bulıp tora. Bu könyaq Ğıraqqa täminat kiterüne aqırınaytqan küpkenä faktorlardan berse genä. İkençe problema isä AQŞ xärbiläre häm BMOsı belän bäyläneşle yardäm agentlıqları arasındağı kierenkelek . Waşington da London da Saddamnı bärep töşerü,ğıraqlılarnıñ yaqlauın alu öçen yardämne tizlektä tapşıru bik möhim dip qarıy. Ämma Älegä koalitsiä häm xökümättän bäysez oyışmalar tırışlıqnı niçek koordinatsiälärgä kiräk , bu turıda kileşep betmägän. AQŞnıñ Xalıqara Täräqiät agentlığı , Ğıraqqa millionnarça dollarlıq azıq tölek birergä äzer. Bu yardämneñ zur öleşe xökümättän bäysez oyışmalar häm AQŞ xärbiläre qatnaşlığında taratılaçaq .Ämma küp kenä oyışma wäkilläre bez xärbilär belän yaqın elemtädä torırğa telämibez, çönki bez ul çaqta bäysez oyışma digän imicibezgä zarar kiteräbez dip söyli. Suğış alıp barğan Waşingtonnıñ älege mizgeldä xezmätäşlek turında kileşülär tözep utırırğa sabrı yuq şikelle .Räsmilär Ğıraq

xalqınıñ zarur ixtiaçları koalitsiä köçläre tarafınnan tämin iteläçäk dip belderep quydı. AQŞ räsmiläre Saddamnan sonğı waqıtlı xökümättä BMO nıñ rolen açıqça äytmäde, bu da xalıqara oyışmalağa östämä bilgesezlek bulıp tora. BMOsı Ğıraq öçen 2milliard 200million dollarlıq humanitar yardäm sorıy. Bu oyışmanıñ tarixında in zur möräcäğät bulıp tora. Yardäm expertları könyaq Ğıraqta şunduq açlıq qurqınıçı yuq alar suğışqa äzerlengän , ämma berniçä atnadan soñ xällär üzgärä ala dip söyli.Xalıqara yardäm oyışması xezmätkärläre suğışta zararlanğan Basranıñ su taratu sisteması , xalıqara qızıl xaç oyışması tarafınnan atna başında tözätelde, susızlıq qurqınıçı yuq dip söyli.Bugen Kuweitten Basrağa meditsina yardäme kitergän ike yök maşinası yulğa çıqqan.Qayber expertler azıq tölek häm su turında optimistik farazlar yasasa da ikençeläre ayrım ğailälärneñ xälen belmibez dip äytä.BMOsı Azıq tölek programasınıñ Kuweit şähre süzçese Antonia Paradella könyaqta Ğıraqta ay azağına qädär azıq tölek xästäre bar di. Ğıraq xalqı sonğı 12 yılda sanksiälär säbäple nıq yarlılandı.Bu inde xalıqnıñ 60%tı yäki 16millionı xökümättän alğan azıq tölek ratsionı belän yäşi, bu isä neftkä almaşqa azıq tölek programması digän süz. Bu keşelärneñ başqa kereme yuq. Paradella süzlärençä(audio) Bu inde urtaça alğanda aylıq ratsion 21köngä citä.Äğär dä ğailäneñ daru, yäki tabipqa baru kebek aşığıç çığımnarı bulsa , alar bu ratsionnıñ ber öleşen sataçaq. Xalıqara yardäm oyışmaları sonğı çiktä yardäm cibärä başlasa , alar anı taratu eşendä zur qıyınlıqlar aldında qalaçaq, Çönki suğış säbäple normal tormış tuqtalğan. BMO xezmätkärläre böten ildä yarlı xalıqqa azıq tölekneñ barıp citüe öçen xökümätneñ ratsion-kartoçqa sistemasın torğızunı ömed itä. Xökümätneñ taratu sistemasın Baath partiäse qarap bardı. Xäzer bu struktura nıq zararlanğan. Tizdän AQŞ vä Britan soldatları rejimnı üzgärtü protsessınıñ ber öleşe bularaq Baath partiäseneñ yuğarı citäkçelären ezli başlayaçaq. Taratu sistemasınıñ cünläp eşli başlauı öçen qulğa alınğannarnıñ urınına yañaların bilgeläü kiräk bulaçaq Yardämne tapşıru infrastruktura probelmaları säbäple dä kiçegäçäk. Umm Qasrğa kilgän bodaynı on fabrikasına alıp baraaçq timer yulı suğış zonasında, vagonnar isä Bagdatta . Farsı Qultığında 100meñ tonna boday belän Awstralia korabı kötep tora. Ul anı ber qaya buşata almıy, in yaqın urın Kuweit bulsa da andağı portlar citärlek tirän tügel . Şunlıqtan kiläse könnärdä dingez urtasında korabnıñ yögen öleşçä buşatırğa häm bodaynı Kuweit aşa Ğıraqqa kiterergä uylıy BMOsı azıq tölek programması

Färidä Xämit.
XS
SM
MD
LG