Öfe qalasında urnaşqan Rusiä möselmannarı diniä näzaräte başlığı Tälğät Tacetdinneñ yıllar buyı şaqqatırğıç belderülär, ğämällär qılıp kilüenä ber-işe keşelär inde ğäcäplänmi başlağannar ide. “Tatarstannı vaxxabiçılar basıp alğan”, “Latin grafikası xalıqlar duslığına çöy qağa” kebek şaw-şulı belderülärneñ avtorı da Tälğät Tacetdin.
Pänceşämbe könne Öfedä Ğiraqtağı suğışqa qarşı mitingta Tälğät äfände tağın ber original' belderü yasadı. Comğa könne Rusiäneñ mäğlümat çaraları anı sensatsion, dip bäyälädelär. Tacetdinnıñ Amerikağa qarşı cihad iğlan itüe çınnan da qayberäwlärdä şok tudırdı. Äle, citmäsä, Tacetdin bu “radikal'” täqdimne Rusiädäge 29 möftiät yaqlap çıqtı, digän mäğlümat tarattı. Möftiätlär üz qararların baş möftigä faks aşa 3 aprel'dä tönlä cibärgännär ikän. Comğa könne irtän “TВС” telekanalı “bu ğämälne Rusiä general' prokuraturası tikşerä başladı,” dip xäbär itte.
Şul uq könne sezneñ fäqiregez Tatarstan möftie Ğosman xäzrätne ezläp tabıp, bu waqiğağa anıñ niçek qarawın beleşte. Ğosman xäzrät bu xälgä bik borçılıp, “İrtännän ığı-zığı kütärelde. Täcetdinneñ belderüe buyınça Tatarstan prezidentınnan da şaltırattılar. Säğät 11dä Vladimir Putin Rawil Ğaynetdinne, Tälğät Täcetdinne häm tağın ber niçä möftine üzenä çaqırtqan, dip äyttelär. Bezneñ möftiät tä, Rawil Ğaynetdin dä “ mondıy axmaqlıqnı xuplamadı”. Söyläşüneñ axırında Ğosman xäzrät, “närsä eşliseñ, yaz könne qayber keşelärneñ baş yalqınsuı awıruı köçäyä” digänräk mäğnäsendäge fikeren belderde. Şulay kilep çığa-ki, Rusiä prezidentı “bez Amerika belän kiläçäktä dä bergä xezmättäşlek itärgä telibez”, dip äytep torğan däwerdä Öfedäge baş möfti ikençe yaqqa tarta, yäğni destruktiv yunäleştä suqalıy.
Ğiraqtağı suğışnı möselmannar ğına tügel, başqa din totuçılar da yaqlap tormıy, läkin bu bäreleşne töp säbäplären añlawçılar sabırlıq kürsätä, konfliktnıñ tizräk tuqtatıluın kötä. Alar Saddam Xösäyenneñ niçäme yıl möselmannarğa qarşı qılğan qanlı, räximsez ğämällären onıtmıylar, diktatornıñ qurqınıç säyäsäte arqasında üz ilen, xalqın suğış yulına alıp kerüen belä. İslam dine tarafdarı isä, nişläp baş möfti möselmannar küpläp qırılğan Çeçnya suğışına qarşı protest belän çıqmadı, dip ğäcäplänä. Äye, Amerika yıraqta, häm aña qarşı qapqa astınnan örep torırğa bula. Bigräk tä, suğış başlanğan çardağı Amerikağa qarşı çığış yasağan patriotlarğa quşılıp. Tik bu yulı Tacetdin kebek flyuger – cilneñ qay taraftan iskäneñ sizep almağan, bulsa kiräk.
Tağın şunısı da bar: qapqa astınnan artıq qatı örgän canwarnı xucalar qayçaq yä quıp cibärälär, yä bäygä utırtalar, yä sarayğa yabıp quyalar... Bez reportajnı efirğa äzerlägändä, www.intertat.ru agentlığınnan mondıy xäbär alındı: “Başqortostan prokurorı Florid Baykov tarafınnan dinara nizağ çığaruğa yunältelgän ğämäle öçen, baş möfti Tälğät Täcetdingä kisätü yasalğan.”
Pänceşämbe könne Öfedä Ğiraqtağı suğışqa qarşı mitingta Tälğät äfände tağın ber original' belderü yasadı. Comğa könne Rusiäneñ mäğlümat çaraları anı sensatsion, dip bäyälädelär. Tacetdinnıñ Amerikağa qarşı cihad iğlan itüe çınnan da qayberäwlärdä şok tudırdı. Äle, citmäsä, Tacetdin bu “radikal'” täqdimne Rusiädäge 29 möftiät yaqlap çıqtı, digän mäğlümat tarattı. Möftiätlär üz qararların baş möftigä faks aşa 3 aprel'dä tönlä cibärgännär ikän. Comğa könne irtän “TВС” telekanalı “bu ğämälne Rusiä general' prokuraturası tikşerä başladı,” dip xäbär itte.
Şul uq könne sezneñ fäqiregez Tatarstan möftie Ğosman xäzrätne ezläp tabıp, bu waqiğağa anıñ niçek qarawın beleşte. Ğosman xäzrät bu xälgä bik borçılıp, “İrtännän ığı-zığı kütärelde. Täcetdinneñ belderüe buyınça Tatarstan prezidentınnan da şaltırattılar. Säğät 11dä Vladimir Putin Rawil Ğaynetdinne, Tälğät Täcetdinne häm tağın ber niçä möftine üzenä çaqırtqan, dip äyttelär. Bezneñ möftiät tä, Rawil Ğaynetdin dä “ mondıy axmaqlıqnı xuplamadı”. Söyläşüneñ axırında Ğosman xäzrät, “närsä eşliseñ, yaz könne qayber keşelärneñ baş yalqınsuı awıruı köçäyä” digänräk mäğnäsendäge fikeren belderde. Şulay kilep çığa-ki, Rusiä prezidentı “bez Amerika belän kiläçäktä dä bergä xezmättäşlek itärgä telibez”, dip äytep torğan däwerdä Öfedäge baş möfti ikençe yaqqa tarta, yäğni destruktiv yunäleştä suqalıy.
Ğiraqtağı suğışnı möselmannar ğına tügel, başqa din totuçılar da yaqlap tormıy, läkin bu bäreleşne töp säbäplären añlawçılar sabırlıq kürsätä, konfliktnıñ tizräk tuqtatıluın kötä. Alar Saddam Xösäyenneñ niçäme yıl möselmannarğa qarşı qılğan qanlı, räximsez ğämällären onıtmıylar, diktatornıñ qurqınıç säyäsäte arqasında üz ilen, xalqın suğış yulına alıp kerüen belä. İslam dine tarafdarı isä, nişläp baş möfti möselmannar küpläp qırılğan Çeçnya suğışına qarşı protest belän çıqmadı, dip ğäcäplänä. Äye, Amerika yıraqta, häm aña qarşı qapqa astınnan örep torırğa bula. Bigräk tä, suğış başlanğan çardağı Amerikağa qarşı çığış yasağan patriotlarğa quşılıp. Tik bu yulı Tacetdin kebek flyuger – cilneñ qay taraftan iskäneñ sizep almağan, bulsa kiräk.
Tağın şunısı da bar: qapqa astınnan artıq qatı örgän canwarnı xucalar qayçaq yä quıp cibärälär, yä bäygä utırtalar, yä sarayğa yabıp quyalar... Bez reportajnı efirğa äzerlägändä, www.intertat.ru agentlığınnan mondıy xäbär alındı: “Başqortostan prokurorı Florid Baykov tarafınnan dinara nizağ çığaruğa yunältelgän ğämäle öçen, baş möfti Tälğät Täcetdingä kisätü yasalğan.”
