Accessibility links

җомга, 9 декабрь 2016, Казан вакыты 08:58

Qazanda Röstäm Yaxin istälegenä memorial' taqta açıldı


Bügen Rusiäneñ häm Tatarstannıñ xalıq artistı, Ğ.Tuqay isemendäge däwlät premiäse lawreatı, kompozitor Röstäm Yaxin istälegenä memorial' taqtanı açu tantanası uzdı. Taqta Tatarstan uramı, 7 yortta elengän, çönki ul bu yortta 1980-1999 yıllarda yäşägän bulğan. Kompozitornı iskä alırğa anıñ tuğannarı, Qazan şähäre xakimiäte başlığı urınbasarı wazifaların başqaruçı, mädäniät idaräse citäkçese Älfiä Tutayıva, opera cırçısı Zilä Sonğatullina, Tatarstan häm Başqortostannıñ xalıq artistı İdris Gäziev, Qazan däwlät konservatoriäse rektorı Rubin Abdullin, Tatarstannıñ kompozitorlar berlege räise Räşit Kälimullin häm başqa kürenekle şäxeslärebez kilgän ide. Bu uñaydan Tatarstan kompozitorlar berlege räise Räşit Kälimullin: ”Röstäm Yaxin – tatar muzıka sänğätendä tirän ez qaldırğan keşe. Ul bezneñ böyek kompozitorıbız häm bez anıñ belän ğorurlanabız,” dide. Ömetlänik, milli ğorurlığıbız Röstäm Yaxinnıñ isemen mäñgeläşterüdä bu täwge, läkin soñğı adım bulmas. Damir Ğısmetdin

XS
SM
MD
LG