Amerika xärbiläre Ğıraq başqalası Bagdadqa kerep anda operatsiälär alıp barğan. Qatardağı AQŞ xärbi komandalığında çığış yasağan xärbi hawa köçläre generale Viktor Renuard İke törkem Bagdadnıñ könyağınnan kerde, alar Tigris yılğası buylap şähärne üttte häm könyaq könbatıştan çığıp kitte ,minemçä bu koalitsiä köçläreneñ üzläre telägän waqıtta saylağan urınğa barıp kilü sälätenä iä buluların kürsätä , alar şähärneñ kiräk bulğan öleşlärenä kerep, şundıy operatilär alıp barırğa däwam itäçäk dip ışanam dide
Başqa xärbi süzçe kapitan Frank Thorp elegeräk şaqtıy ğına sanda ğäskärilär başqalağa kerergä däwam itä dip äytkän ide . Ämma bagdadtan alınğan qayber xabärlärgä qarağanda şähär üzägendä koalitsiä köçläre kürenmägän. AQŞ xärbiläre başqalağa kergänçe bulıp alğan bäreleştä meñnnän artıq ğıraq ğäskäriä häläk buldı digän faraz belderde. Pentagon bugen älegäçä 75 amerikan soldatı ülde dip äytte. Ğıraq informatsiä ministırı al Sahaf AQŞ xärbiläreneñ Bagdadta buluın kire qaqtı häm Cömhöriät Saqçıları hawa alanında amerikannarnı izep kontrol urnaştırdı dip belderde. Ul Prezident Saddamnıñ kündermäsen uqıdı, İlbaşı xärbi vä sivillärne koalitsiä köçlärenä höcümgä öndi.
