Amerikan xärbiläre bez Bağdadqa kerü yullarınıñ kübesen kistek dip belderä. Kiçäge bombalawlardan soñ uzğan töndä ber ara şähärdä çağıştırmaça tınlıq buldı. Ämma bügen tañ aldınnan şähärdä häm şähär tiräsendä yaña bombalaw tawışları işetelde. Başqalanıñ könçığış tirälärendä artilleriä atışları buldı.
Uzğan töndä AQŞ üzäk xärbi idaräse başqala üzägennän 20-läp çaqrım könyaq-könbatışta urnaşqan Bağdad hawa alanına berençe amerikan xärbi oçqıçı töşep utırdı dip belderde. Üzäk xärbi idarä wäkile Jim Wilkinson äytüençä Ğiraq xakimiätläre Bağdadnı saqlaw öçen mäçetlär häm xastaxanälärne dä faydalana.
AQŞnıñ 101-nçe hawa desantı diviziäse wäkile mayor Hugh Cate AQŞ köçläre Kerbala şähären yawlap alu öçen soñğı ike köndäge qatı bäreleşlärdä 400-läp Ğiraq soldatın üterde dip belderde. Ämma bu sannarnı bäysez çığanaqlardan raslaw mömkin tügel.
Yäkşämbe könne Britan köçläre Ğiraqnıñ ikençe zur şähäre Basranı yawlap alu öçen iñ qatı xärbi höcümnären ütkärde. Anda Baat partiäse cimerelde häm prezident Säddam Xösäingä turılıqlı baş xärbi idarä binası utqa totıldı dielä. 40-tan artıq BTR häm tank Basra şähärenä tirängä ütep kerde häm biredä Britan köçläre belän Ğiraq suğışçıları arasında suğış başınnan birle iñ qatı bäreleşlär buldı dip xäbär itelä. Britaniä saqlanu ministrlığı äytüençä kiçä bu bäreleşlärdä tağın 3 britan soldatı hälak bulğan. Suğış başınnan birle Britaniä barlığı 30 xärbien yuğalttı.
Körd wäkilläre äytüençä, AQŞ xärbi oçqıçlarınıñ tönyaq Ğiraqta amerikan maxsus köçlärennän häm körd suğışçılarınnan torğan berläşterelgän xärbi qärwannı bombalawı näticäsendä 18 keşe hälak bulğan 45 keşe yaralanğan. Kördestan Demokratik Partiäse räsmie Hoşiar Zebari 18 körd suğışçısı ülde dip belderde. AQŞ xärbiläre arasında qorbannar bulu-bulmawı mäğlüm tügel. Zebari süzlärençä Körd citäkçese Masud Barzaninıñ bertuğanı Wäci Barzani bik qatı yaralanğan. AQŞ üzäk xärbi idaräse xäzer bu waqıyğanı tikşerü eşläre bara dip belderde.
Kiçä Bağdadtan kitep barğanda Russiä diplomatları häm Russiäneñ Ğiraqtağı ilçese Vladimir Titorenko bulğan diplomatik qärwan utqa totılda. Russiä tışqı eşlär ministrlığı äytüençä 5 keşe yaralanğan, ilçe yaralanmağan. Törkemdä bulğan Russiä jurnalistı Aleksandr Minakov bez AQŞ häm Ğiraq köçläre arasındağı atışqa eläktek dip äytä. AQŞ xärbi wäkilläre tikşerü ütkäräçäkbez, ämma diplomatik qärwan utqa totılğan waqıtta ul urında koalitsiä köçläre yuq ide dip belderä. Şulay da kiçä AQŞ däwlät sekretare Colin Powell Russiä tışqı eşlär ministrı İgor’ İvanov belän telefon aşa söyläşkändä bu waqığa uñayınnan qızğanıç belderde.
Berläşkän Millätlär Oyışmasınıñ yardäm agentlıqları 5 millionlap keşe yäşägän Bağdad sälamätlek krizisı aldında tora dip kisätä. Dönya Sälamätlek Oyışması wäkile Fadela Chaib könnärçä däwam itkän bombalawlar häm näticädä infrastrukturağa zur zıyan kilü, ülüçelär, yaralanuçılar küp bulu säbäple Bağdad xalqınıñ sälamätlegen saqlawğa bäyle wäzğiät bik nıq naçarayaçaq dip kötelä dide. Xalıqara Qızıl Xaç oyışması Bağdad xastaxanälärenä yaralılar taşqınına yardäm itep ölgerü bik qıyınlaştı, darular, meditsina kiräk-yaraqları citeşmi dip borçıla. BMOnıñ balalar oyışması UNİCEF suğışnıñ Bağdadtağı balalarğa zian kiterüenä ayıruça borçılu belderde. Oyışma äytüençä, xastaxanälärdägelärneñ yartısı diärlek balalar. UNİCEF şulay uq, soñğı berniçä köndä şähärneñ küp xalıq yäşäwçe öleşlärendä çäçelep şartlawçı kluster bombalarınıñ qullanıluı turındağı xäbärlär uñayınnan da borçılu belderde.
Bügen AQŞ prezidentı George Bush belän Britaniä premyer-ministrı Tony Blair Tönyaq İrlandiädä oçraşıp Ğiraqta BMO-nıñ kiläçäk role turında söyläşäçäk. Bügen BMO iminlek Şurası da Ğiraq mäs’äläsen qararğa cıyıla. Xäbärçelär äytüençä, Yewropa illäre citäkçeläre häm Blair suğıştan soñ BMO Ğiraqta töp rol’ne alırğa tieş dip isäpläsä, Waşington BMOnıñ humanitar yardäm eşläre belän genä çiklänüen teli.
Naif Aqmal, Praga.
Uzğan töndä AQŞ üzäk xärbi idaräse başqala üzägennän 20-läp çaqrım könyaq-könbatışta urnaşqan Bağdad hawa alanına berençe amerikan xärbi oçqıçı töşep utırdı dip belderde. Üzäk xärbi idarä wäkile Jim Wilkinson äytüençä Ğiraq xakimiätläre Bağdadnı saqlaw öçen mäçetlär häm xastaxanälärne dä faydalana.
AQŞnıñ 101-nçe hawa desantı diviziäse wäkile mayor Hugh Cate AQŞ köçläre Kerbala şähären yawlap alu öçen soñğı ike köndäge qatı bäreleşlärdä 400-läp Ğiraq soldatın üterde dip belderde. Ämma bu sannarnı bäysez çığanaqlardan raslaw mömkin tügel.
Yäkşämbe könne Britan köçläre Ğiraqnıñ ikençe zur şähäre Basranı yawlap alu öçen iñ qatı xärbi höcümnären ütkärde. Anda Baat partiäse cimerelde häm prezident Säddam Xösäingä turılıqlı baş xärbi idarä binası utqa totıldı dielä. 40-tan artıq BTR häm tank Basra şähärenä tirängä ütep kerde häm biredä Britan köçläre belän Ğiraq suğışçıları arasında suğış başınnan birle iñ qatı bäreleşlär buldı dip xäbär itelä. Britaniä saqlanu ministrlığı äytüençä kiçä bu bäreleşlärdä tağın 3 britan soldatı hälak bulğan. Suğış başınnan birle Britaniä barlığı 30 xärbien yuğalttı.
Körd wäkilläre äytüençä, AQŞ xärbi oçqıçlarınıñ tönyaq Ğiraqta amerikan maxsus köçlärennän häm körd suğışçılarınnan torğan berläşterelgän xärbi qärwannı bombalawı näticäsendä 18 keşe hälak bulğan 45 keşe yaralanğan. Kördestan Demokratik Partiäse räsmie Hoşiar Zebari 18 körd suğışçısı ülde dip belderde. AQŞ xärbiläre arasında qorbannar bulu-bulmawı mäğlüm tügel. Zebari süzlärençä Körd citäkçese Masud Barzaninıñ bertuğanı Wäci Barzani bik qatı yaralanğan. AQŞ üzäk xärbi idaräse xäzer bu waqıyğanı tikşerü eşläre bara dip belderde.
Kiçä Bağdadtan kitep barğanda Russiä diplomatları häm Russiäneñ Ğiraqtağı ilçese Vladimir Titorenko bulğan diplomatik qärwan utqa totılda. Russiä tışqı eşlär ministrlığı äytüençä 5 keşe yaralanğan, ilçe yaralanmağan. Törkemdä bulğan Russiä jurnalistı Aleksandr Minakov bez AQŞ häm Ğiraq köçläre arasındağı atışqa eläktek dip äytä. AQŞ xärbi wäkilläre tikşerü ütkäräçäkbez, ämma diplomatik qärwan utqa totılğan waqıtta ul urında koalitsiä köçläre yuq ide dip belderä. Şulay da kiçä AQŞ däwlät sekretare Colin Powell Russiä tışqı eşlär ministrı İgor’ İvanov belän telefon aşa söyläşkändä bu waqığa uñayınnan qızğanıç belderde.
Berläşkän Millätlär Oyışmasınıñ yardäm agentlıqları 5 millionlap keşe yäşägän Bağdad sälamätlek krizisı aldında tora dip kisätä. Dönya Sälamätlek Oyışması wäkile Fadela Chaib könnärçä däwam itkän bombalawlar häm näticädä infrastrukturağa zur zıyan kilü, ülüçelär, yaralanuçılar küp bulu säbäple Bağdad xalqınıñ sälamätlegen saqlawğa bäyle wäzğiät bik nıq naçarayaçaq dip kötelä dide. Xalıqara Qızıl Xaç oyışması Bağdad xastaxanälärenä yaralılar taşqınına yardäm itep ölgerü bik qıyınlaştı, darular, meditsina kiräk-yaraqları citeşmi dip borçıla. BMOnıñ balalar oyışması UNİCEF suğışnıñ Bağdadtağı balalarğa zian kiterüenä ayıruça borçılu belderde. Oyışma äytüençä, xastaxanälärdägelärneñ yartısı diärlek balalar. UNİCEF şulay uq, soñğı berniçä köndä şähärneñ küp xalıq yäşäwçe öleşlärendä çäçelep şartlawçı kluster bombalarınıñ qullanıluı turındağı xäbärlär uñayınnan da borçılu belderde.
Bügen AQŞ prezidentı George Bush belän Britaniä premyer-ministrı Tony Blair Tönyaq İrlandiädä oçraşıp Ğiraqta BMO-nıñ kiläçäk role turında söyläşäçäk. Bügen BMO iminlek Şurası da Ğiraq mäs’äläsen qararğa cıyıla. Xäbärçelär äytüençä, Yewropa illäre citäkçeläre häm Blair suğıştan soñ BMO Ğiraqta töp rol’ne alırğa tieş dip isäpläsä, Waşington BMOnıñ humanitar yardäm eşläre belän genä çiklänüen teli.
Naif Aqmal, Praga.