Accessibility links

Кайнар хәбәр

Üpkä yalqınsınuınıñ yaña töre-SARS virusı qorbannarı sanı 100gä citte


Bügen yaña tör üpkä yalqınsınuı, SARS virusınnan ülgän keşelär sanı 100gä citte. Hong Kongta yäşägän 78 yäşlek xatın-qız çirneñ 100nçe qorbanı buldı. Dönya Sälämätlek Oyışması belgeçläre Qıtaynıñ Guangdong provinsiäsendä awırunıñ çığanağın tabırğa tırışa. Oyışmanıñ general direkotrı Gro Harlem Brundtland, virus turında baştan uq xäbär itmägäne öçen Qıtayğa täñqit belderde. Quşma Ştatlarnıñ sälämätlek saqlaw räsmiläre bügen kongressmennar aldında xisap tota. Amerikada şuşı çirne 115 keşe yoqtırğan. Dönya buylap 30dan artıq ildä yaqınça 2 meñ 700 keşe şuşı SARS virusın yoqtırğan dip isäplänä.
XS
SM
MD
LG