Accessibility links

җомга, 9 декабрь 2016, Казан вакыты 20:21

Tel Avivqa Germaniä tışqı eşlär ministrı Joschka Fischer kilgändä töbäktä köç qullanu däwam itä


İsrael xärbiläre, Gaza sızığındağı Netzarim awılı yanında ber fälestin keşeseneñ üle gäwdäse tabıldı, dip xäbär itte. Kiçä awıl çigendä ike şikle keşe kürengäç İsrael ğaskärläre ut açqan bulğan, ülgän fälestinle dä-şul ike keşeneñ berse bulırğa mömkin , dielä. Könbatış yarda Nablus qaçaqlar lagere yanında İslam Jihad suğışçan törkemeneñ 5 äğzase qulğa alınğan. Könyaqtağı Khan Yunis şähärendä sniper ber İsrael xärbien yaralağan. Sniper qaçıp qotılğan dip xäbär itelä. Ul arada Tel Avivqa öç könlek säfärgä Germaniä tışqı eşlär ministrı Joschka Fischer kilde. Söyläşülär Ğiraq suğışı häm İsrael-Fälestin nizağı turında baraçaq. Fischernıñ İsrael premyer-ministrı Ariel Şaron, Fälestin citäkçese Yasser Arafat häm küptän tügel bilgelängän Fälestin premyr-ministrı Mahmud Abbas belän oçraşuı kötelä.

XS
SM
MD
LG