Accessibility links

шимбә, 3 декабрь 2016, Казан вакыты 22:42

İrlandiädä AQŞ prezidentı George Bush häm Britaniä premyerı Tony Blair oçraşa


Amerika Quşma Ştatları prezidentı George Bush häm Britaniä premyer-ministrı Tony Blair bügen Tönyaq İrlandiädä oçraşıp suğıştan soñğı Ğiraqnı tözekländerü eşendä Berläşkän Millätlär Oyışmasınıñ role turında söyläşäçäk. Blair häm Yevropa däwlätläre citäkçeläre –Ğiraqnı ayaqqa bastıru eşen BMO citäklärgä tieş dip sanıy. Amerikan räsmiläre-Berläşkän Millätlär Oyışmasınıñ qatnaşı bik möhim läkin töp rolne Ğiraq suğışında qatnaşqan däwlätlär başqarırğa tieş, digän fikerdä. Kiçä Quşma Ştatları saqlanu ministrı Paul Wolfowitz, Säddäm Hösäinnän soñğı xökümätne tözü eşenä 6 aydan artıq waqıt kitär, dip belderde. Belfasttan yıraq tügel oçraşu uzdırğan Bush häm Blair şulay uq İsrael-Fälestin nizağın da telgä alaçaq. Quşma Ştatları prezidentı Waşingtonğa irtägä töştän soñ kitä, dip xäbär itelä. Berläşkän Millätlär Oyışmasınıñ General Sekretare Kofi Annan da, Oyışmanıñ Ğiraqnı tözekländerü eşendä qatnaşaçağına ömet belderde häm Ğiraq mäs’äläsendä oyışmanıñ wäkile itep Rafeuddin Ahmet isemle keşene bilgeläde. Rafeuddin Ahmet bügen İminlek Şurası äğzaläre belän oçraşa. Berläşkän Millätlär Oyışmasınıñ suğıştan soñ ilne tözekländerü häm yaña xökümät tözergä yardäm itü täcribäse bar, dip östäde Kofi Annan

XS
SM
MD
LG