Accessibility links

шимбә, 10 декабрь 2016, Казан вакыты 19:39

AQŞ prezidentınıñ İminlek mäs’älälärendäge kiñäşçese C.Rice’nıñ Mäskäwgä säfäre tämamlandı


Bügen Quşma Ştatlarnıñ iminlek mäs’älälärendäge kiñäşçese Condoleezza Rice Mäskäwgä säfären tämamladı. Rusiä tışqı eşlär ministrı İgor İvanov belän bulğan oçraşuda süz Amerika Quşma Ştatları-Rusiä mönäsäbätläre turında bulır dip kötelgän ide. Oçraşudan soñ Condoleeza Rice “bik yaxşı fiker alışu buldı” dip belderde. Şulay uq Rice kiter aldınnan saqlanu ministrı Sergey İvanov häm İminlek Şurası räise Vladimir Ruşailo belän oçraştı. Quşma Ştatlar ilçelegeneñ matbuğat wäkile Waşington, “Rusiä belän ozın möddätle strategik xezmättäşlek” yaqlı, Ğiraq mäs’äläsendäge fiker ayırmalıqları mönäsäbtlärgä “kierenkelek östäde”, dip belderde. Mäskäw Amerika Quşma Ştatları citäkçelegendäge koalitsiäneñ Ğiraqta suğış başlawına kisken qarşı çıqqan ide. Alay da uzğan atnada Rusiä prezidentı Vladimir Putin fikeren yomşartıp-Amerikan ğaskärläreneñ Ğiraqta ciñelüe Rusiä mänfäğätlärenä turı kilmi, digän ide. Häm Rusiä Quşma Ştatlar belän xezmättäşlekne däwam itergä teli, dip östäde.

XS
SM
MD
LG