Accessibility links

шимбә, 10 декабрь 2016, Казан вакыты 23:48

Ğiraq suğışınıñ 19-nçı köne: soñğı täräqqiät


Düşämbedä Amerikan ğäskärläre Bagdad üzägenä kerep, Saddam Xösäinneñ ike sarayın üz kontrolenä aldı dip xäbär itelde. Amerikan xärbiläre äytüençä, bu – soñğı xäcüm tügel, ä barı tik köç kürsätü ğämäle, alınğan urınnarda totınıp qalu-qalmaw mäsäläsen xärbi citäkçelär wazğiätkä qarap üzläre xäl itäçäk. Bügenge xöcümdä 100-gä yaqın tank häm xärbi maşina qatnşaqan. Ğiraq xärbiläre Kalaşnikov häm granatometlar belän alarğa qatı qarşılıq kürsätkän. Kimendä 4 amerikan xärbie xäläk bulğan. Bagdadnıñ könyağında ber amerikan raketası elemtä üzägenä töşü näticäsendä tağın 2 amerikan xärbie häm 2 jurnalist ülgän. Amerikan generalı Vincent Brooks Qatardağı idarä üzägennän Ğiraq rejimı başqlanı kontrol itmi dip belderde:

Audio

Könbatış telekanalları Amerikan xärbiläreneñ Tigris yılğası buyında urnaşqan prezident sarayı tiräsendä yörüwen kürsätte. Bu urınnan 2 çaqırım yıraqlıqta, yılğanıñ ikençe yarında, Ğiraqnıñ Mäglümät ministrı Mäxämmät Säet Äl-Sahaf qunaqxanä tübäsenä menep, Amerikannarğa ışanmağız, alar üzlären dä kontrol itä almıy, basıp aluçılar yuq iteläçäk digän süzlär äytte:

Audio

Bagdadqa xäcüm barğan ber mäldä Ğiraq televideniese bügen Saddam Xösäinneñ xökümät citäkçeläre belän ütkärgän oçraşuın kürsätte. Anda vitse-prezident Taha Yassin Ramadan, vitse-premier Tariq Aziz, Saddamnıñ keçe ulı Qusay bar ide, ölkän ulı Uday bu yulı kürenmäde. Bu sürätlärneñ qayçan töşerelgäne bilgesez.

Bezneñ Bağdadtağı xäbärçebez, başqalanıñ tönyaqkönbatışında qatı bäreleşlär turında xäbär itte, üz küzläre belän Ğiraqnıñ distälägän cimerek T-72 tankın, maşinaların kürüwen, distälägän keşeneñ qulğa alınuwın söyläde:

Audio

Bagdad xastaxänäläreneñ ülgän häm yaralanğan keşelär belän tulıp kilüwe, anda medikamentlar citmäw turında xäbär itelä. Tabiplar äytüenä qarağanda şähärneñ tönyağında urnaşqan Qadimiä xastaxanäsenä ike kön eçendä 18 ülgän 142 yaralanğan keşe kiterelgän. Üzäktäge Kindi xastaxanäsendä 4keşe ülgän 176sı yaralanğan. Xalıqara Qızıl Xac komitetınıñ cirle wäkile Roland Huguenin-Benjamin äytüençä, soñğı ike köndä operatsiälär täwlek äylänäsenä yasala, xastaxänälärdä wazğiät qotıçqıç.

Bäreleşlär şulay uq Ğiraqnıñ könyağı häm tönyağında bara. Bügen Britan xärbiläre könyaqtağı Basra şähäreneñ zur öleşen üz qaramağına aluwın xäbär itte. Bezneñ andağı xäbärçebez Charles Recknagel äytüençä, şähärneñ küpme öleşe alınğanın äytep bulmıy, çönki xärbilär bik aqrın, här adımın ülçäp bara:

Audio

Britan xärbiläre şulay uq Basra tiräsendä Saddamnıñ tuğanı, 1988-dä meñlägän kördne ağulı gaz belän üterergä färman birgän öçen „ximik Ali“ isemen alğan, Ali Xäsän Äl-Mäcitneñ mäyete tabıluwın xäbär itte.

Bezneñ tönyaqtağı xäbärçebez Sami Shoresh Mosul şähäreneñ köçle bomba utına totıluwın xäbär itte:

Audio

Sami süzlärençä, töp bäreleşlär Sayxan häm Fayda şähärläre tiräsendä bara. Sayxanda kördlär, ğäräplär, xristiannar, yazidilär yäşi. Xäzer ul kördlär qulında. Sami kördlär häm amerikan xärbilärennän torğan qärwan belän bara. Kiçä bu qärwanğa yalğışlıq belän Amerikan oçqıçı xöcüm itkän. 18 keşe xäläk bulğan, 45-e, şul isäptän körd citäkçese Mäsxüd Barzaninıñ ulı häm tuğanı yaralanğan.

Bilgele bulğança, kördlär Ğiraqnıñ kiläçägendä möxim urın alığra ömetlänä. Waşington berençe 6 ayğa Ğiraqta amerikan administratsiäse buldırırğa cıyına. London bu eşkä Berläşkän Millätlär Oyışmasınñ da cälep itergä teli. Bügen Tönyaq İrlandiäneñ Belfast şähärendä Amerikan prezidentı George Buş belän Britan premier-ministrı Tony Blairnıñ Ğiraqnıñ kiläçägenä bağışlanğan oçraşuwı başlandı.

Ali Gilmi, Praga
XS
SM
MD
LG