Qatardağı AQŞ Üzäk Xärbi İdaräse süzçese mayor Brad Bartlett bügen irtän jurnalistlarğa Bağdadnıñ Mansur bistäsendäge binağa kiçä 900-är kilogramlı 4 bomba taşlandı dide. Ber amerikan räsmie äytüençä, bina urınında tirän çoqır ğına qalğan. Kiçä bu bistägä raketa höcüme näticäsendä 14-läp keşe hälak buldı dip xäbär itelgän ide.
Bartlett bombalanğan hädäf Ğiraq prezidentı Säddam Xösäin ideme digän sorawğa cawp birüdän citläşte. Baştaraq räsmilär könbatış xäbär agentlıqlarına ber binada Säddam häm anıñ ike ulı barlığı turında küzläw mäğlümäte kilgännän soñ ul bina bombalandı dip beldergän ide. Bartlett AQŞ xärbiläre bombalaw näticälären öyränä dide.
Bügen irtän Bağdadta, kiçä AQŞ xärbiläre yawlap alğan prezident sarayında avtomat atışları häm şartlawlar buldı. Reuter agentlığı prezident sarayı yanında bügen irtän dä 4 amerikan tankı tora dip xäbär itä.
Kiçä AQŞ saqlanu minitrı Donald Rumsfeld Ğiraq xakimiäten izolyatsiäläw bik nıq arta bara dip belderde:
AUDİO: Koalitsiä köçläre Bağbadta häm Bağdad tiräsendä, cirdä häm küktä eşçänlek alıp bara. Ğiraq rejimın izolyatsiäläw bik nıq arta bara. Boçra qısıla häm alarnıñ mömkinlekläre betä bara.
Kiçä dönya televidenieläre AQŞ xärbiläreneñ prezident sarayında yörüen kürsätsä dä, Ğiraqnıñ mäğlümät ministrı Möxämmät Säit äs-Sahaf başqalağa berniçä amerikan xärbi maşinası ğına kerde häm Ğiraq köçläre alarnı bik ciñel genä ciñä dip beldergän ide. Ministr jurnalistlarğa amerikan köçläreneñ Bağdadtağı qayber urınnarnı kontrol’gä aluı turındağı xäbärlärnde kire qaqtı.
Waşingtonda jurnalistlar aldına çığıp Rumsfeld: “Öç mömkinlek bar: Ul yä ülgän, yä yaralanğan, yäki kürenergä telämi” dide. Kiçä Bağdad televideniese Säddam töşerelgän, ämma qayçan yazılğanı bilgele bulmağan videotasma kürsätkän ide.
Ğiraqnıñ tönyağında anglo-amerikan cir öste häm hawa köçläre yardämendä körd köçläre könyaqqa taba xäräkät itep strategik ähämiätkä iä şähär Dibağanı yawlap aldı. Kördlär tönyaqtağı ike möhim ere şähär Mosul belän Kirkukka yaqınlaşa bara.
Ğiraqnıñ könyağında isä Britan köçläre, nihayät, Ğiraqnıñ başqaladan qala ikençe ere şähäre Basranı näticäle kontrol’gä aldı dip xäbär itelä. Basra tiräsendä 2 atna däwam itkän çolğanış tämamlansa da, Qatardağı Britan xärbi citäkçese Al Lockwood Baath partiäseneñ qayber qaldıqları beraz qarşılıq kürsätä dip belderde:
AUDİO: Bez Basrada bik uñışlı xärbi operatsiä ütkärdek. Şähärneñ küpçelek öleşe xäzer bezneñ kotrol’dä, xäzer şähärneñ bez eşçänlek alıp barğan iske öleşendä öleşçä qarşılıq kürsätelä dide Lockwood.
Kiçä Belfast yanında AQŞ prezident George Bush belän Britan premyer-ministrı Tony Blair oçraşıp Ğiraq suğışı häm anı suğıştan soñ tözekländerü mäs’äläläre turında söyläşte. Oçraşudan soñ Blairnıñ wäkile ike citäkçe Ğiraqta ğiraqlılar idarä itärgä tieş dip kileşte dide. Ul ike citäkçeneñ suğıştan soñğı Ğiraqnı idarä itüdä BMO-ğa nindi rol’ birü turında fiker ayırmalıqları bar digän xäbärlärne kire qağarğa tırıştı. AQŞ däwlät sekretare Colin Powell oçraşuda Bush belän Blair yasıyaçaq belderülär Ğiraqta doşmanlıq çorınıñ tämamlanuın häm doşmanlıqtan soñğı çor turında uylarğa waqıt citüen kürsätäçäk dide. Bush belän Blair oçraşuı bügen dä däwam itäçäk.
BMO General’ sekretare Kofi Annan isä kiçä tağın ber märtäbä suğıştan soñğı Ğiraqta BMOga möhim rol’ birelergä tieş dip isäpläwen belderde. Annan süzçese äytüençä, çärşämbe könne general’ sekretar Britaniä, Fransiä, Germaniä häm Russiä säfären başlap cibäräçäk. Annan bu 4 il citäkçeläre belän suğıştan soñğı Ğiraq turında söyläşäçäk dielä.
Naif Aqmal, Praga.
Bartlett bombalanğan hädäf Ğiraq prezidentı Säddam Xösäin ideme digän sorawğa cawp birüdän citläşte. Baştaraq räsmilär könbatış xäbär agentlıqlarına ber binada Säddam häm anıñ ike ulı barlığı turında küzläw mäğlümäte kilgännän soñ ul bina bombalandı dip beldergän ide. Bartlett AQŞ xärbiläre bombalaw näticälären öyränä dide.
Bügen irtän Bağdadta, kiçä AQŞ xärbiläre yawlap alğan prezident sarayında avtomat atışları häm şartlawlar buldı. Reuter agentlığı prezident sarayı yanında bügen irtän dä 4 amerikan tankı tora dip xäbär itä.
Kiçä AQŞ saqlanu minitrı Donald Rumsfeld Ğiraq xakimiäten izolyatsiäläw bik nıq arta bara dip belderde:
AUDİO: Koalitsiä köçläre Bağbadta häm Bağdad tiräsendä, cirdä häm küktä eşçänlek alıp bara. Ğiraq rejimın izolyatsiäläw bik nıq arta bara. Boçra qısıla häm alarnıñ mömkinlekläre betä bara.
Kiçä dönya televidenieläre AQŞ xärbiläreneñ prezident sarayında yörüen kürsätsä dä, Ğiraqnıñ mäğlümät ministrı Möxämmät Säit äs-Sahaf başqalağa berniçä amerikan xärbi maşinası ğına kerde häm Ğiraq köçläre alarnı bik ciñel genä ciñä dip beldergän ide. Ministr jurnalistlarğa amerikan köçläreneñ Bağdadtağı qayber urınnarnı kontrol’gä aluı turındağı xäbärlärnde kire qaqtı.
Waşingtonda jurnalistlar aldına çığıp Rumsfeld: “Öç mömkinlek bar: Ul yä ülgän, yä yaralanğan, yäki kürenergä telämi” dide. Kiçä Bağdad televideniese Säddam töşerelgän, ämma qayçan yazılğanı bilgele bulmağan videotasma kürsätkän ide.
Ğiraqnıñ tönyağında anglo-amerikan cir öste häm hawa köçläre yardämendä körd köçläre könyaqqa taba xäräkät itep strategik ähämiätkä iä şähär Dibağanı yawlap aldı. Kördlär tönyaqtağı ike möhim ere şähär Mosul belän Kirkukka yaqınlaşa bara.
Ğiraqnıñ könyağında isä Britan köçläre, nihayät, Ğiraqnıñ başqaladan qala ikençe ere şähäre Basranı näticäle kontrol’gä aldı dip xäbär itelä. Basra tiräsendä 2 atna däwam itkän çolğanış tämamlansa da, Qatardağı Britan xärbi citäkçese Al Lockwood Baath partiäseneñ qayber qaldıqları beraz qarşılıq kürsätä dip belderde:
AUDİO: Bez Basrada bik uñışlı xärbi operatsiä ütkärdek. Şähärneñ küpçelek öleşe xäzer bezneñ kotrol’dä, xäzer şähärneñ bez eşçänlek alıp barğan iske öleşendä öleşçä qarşılıq kürsätelä dide Lockwood.
Kiçä Belfast yanında AQŞ prezident George Bush belän Britan premyer-ministrı Tony Blair oçraşıp Ğiraq suğışı häm anı suğıştan soñ tözekländerü mäs’äläläre turında söyläşte. Oçraşudan soñ Blairnıñ wäkile ike citäkçe Ğiraqta ğiraqlılar idarä itärgä tieş dip kileşte dide. Ul ike citäkçeneñ suğıştan soñğı Ğiraqnı idarä itüdä BMO-ğa nindi rol’ birü turında fiker ayırmalıqları bar digän xäbärlärne kire qağarğa tırıştı. AQŞ däwlät sekretare Colin Powell oçraşuda Bush belän Blair yasıyaçaq belderülär Ğiraqta doşmanlıq çorınıñ tämamlanuın häm doşmanlıqtan soñğı çor turında uylarğa waqıt citüen kürsätäçäk dide. Bush belän Blair oçraşuı bügen dä däwam itäçäk.
BMO General’ sekretare Kofi Annan isä kiçä tağın ber märtäbä suğıştan soñğı Ğiraqta BMOga möhim rol’ birelergä tieş dip isäpläwen belderde. Annan süzçese äytüençä, çärşämbe könne general’ sekretar Britaniä, Fransiä, Germaniä häm Russiä säfären başlap cibäräçäk. Annan bu 4 il citäkçeläre belän suğıştan soñğı Ğiraq turında söyläşäçäk dielä.
Naif Aqmal, Praga.