Accessibility links

якшәмбе, 11 декабрь 2016, Казан вакыты 15:05

AQŞ prezidentı George Bush häm Britaniä premyer-ministrı Tony Blair Tönyaq İrlandiädä oçraştı


Söyläşülärdän soñ Bush, Ğiraqnı suğıştan soñ tözekländerüdä Berläşkän Millätlär Oyışması role möhim bulaçaq, dip belderde. Ayırım alğanda, Oyışma Ğiraqqa yardäm äzerläw häm ildä waqıtlı xakimiät tözü öçen cawaplı bulaçaq. İke citäkçe dä Ğiraq prezidentı Säddäm Hösäin rejimı axırına yaqınlaşa dip kileşte, Bush, “Ğiraqta yaña kön başlana” dip belderde. Bush häm Blair söyläşüeneñ köntärtibendä şulay uq Yaqın Könçığıştağı wazğiät tä buldı, Amerikan prezidentı Fälestinnärneñ yaña premyer-ministrı itep Mahmoud Abbasnıñ bilgelänüen xupladı. Berläşkän Millätlär Oyışmasınıñ general sekretare urınbasarı Şaşi Tharoor, BBC radiosına bügen, Quşma Ştatlarnıñ BMO’nıñ İminlek Şurası rizalığı bulmıyça Ğiraq xökümäten tözergä xoquqı yuq, dip belderde. İminlek Şurası röxsäte bulmıy torıp tözelgän yaña Ğiraq xökümäte dönyada Quşma Ştatlarnıñ xärbi okkupatsiäseneñ ber öleşe bularaq qabul iteläçäk, dide Tharoor. Suğıştan soñğı Ğiraqnıñ yazmışı turında söyläşülär uzdırır öçen bu atnada Oyışmanıñ general sekretare Kofi Annan Britaniä, Fransiä, Germaniä häm Rusiägä säfärgä çığa. Qıtay häm Rusiä tışqı eşlär ministrları da bügen telefonda bulğan söyläşü waqıtında suğıştan soñğı Ğiraqnı tözekländerüne BMO üz qulına alırğa tieş, dip kileşte. Bu xaqta Qıtay däwlät televideniäse xäbär itkän.

XS
SM
MD
LG