Accessibility links

сишәмбе, 6 декабрь 2016, Казан вакыты 08:50

Qıtay häm Rusiä İminlek Şurasında Tönyaq Koreanıñ atom töş programması turındağı söyläşülärneñ faydası buluına ışanmıy


İrtägä Berläşkän Millätlär Oyışmasınıñ İminlek Şurası Tönyaq Koreanıñ atom töş programması tiräsendäge kierenkelek turında cıyılıp söyläşergä cıyınğanda Pekin bügen-söyläşülär nizaqnı çişä almas, dip belderde. İminlek Şurası cıyınına qarşı çığıp, Qıtay, kiernkelekne barı tik Quşma Ştatları belän Tönyaq Korea arasındağı söyläşülär beterä ala, dide. Qıtaynıñ tışqı eşlär ministrlığınıñ matbuğat wäkile Liu Jinçao, Amerika Quşma Ştatları tarafınnan täqdim iteläçäk Tönyaq Koreağa täñqit beldergän resolyutsiägä Pekinnıñ ni öçen qarşı bulaçağın añlatudan baş tarttı. Rusiä tışqı eşlär ministrı urınbasarı Aleksandr Losyukov ta, irtägä bulaçaq söyläşülär kierenkelekne arttıraçaq qına, dip belderde. Rusiä, 6 däwlät –Quşma Ştatları, Tönyaq Korea, Rusiä, Qıtay, Yaponiä häm Könyaq Korea wäkilläre qatnaşında söyläşülär uzdırunı täqdim itä. Tönyaq Korea bügen Quşma Ştatlarnı Korea yarım utrawındağı wazğiätne suğış çigenä citkerüdä ğayepläde. Tönyaq Koreanıñ xärbi köçlär başlığı Kim Yong Çun, Amerika, Tönyaqnıñ söyläşügä çaqıruın kire qaqsa barısında da üze ğayeple bulaçaq, dip belderde.

XS
SM
MD
LG