Accessibility links

якшәмбе, 11 декабрь 2016, Казан вакыты 16:47

Qıtayda SARS virusınıñ taraluına çik quyıldı


Qıtaynıñ Guandong provinsiäse sälämätlek saqlaw xezmätkärläre SARS virusına qarşı effektiv çaralar tabıldı, dip iğlan itte. Bu töbäktä awırıp kitüçelär sanı inde üsmi. Alay da awırunıñ böten yaqları da äle tikşerelep betmägän. Üpkä yalqınsınuınıñ yaña töre dönyada 100dän artıq keşeneñ ğömeren özde, 2700dän artığı bu çir belän äle dä awırıy. Virusnıñ taraluı Aziä däwlätläreneñ iqtisadına da naçar tä’sir yasıy başladı. Taiwannıñ İqtisadi Planlaştıru häm Üseş Şurası, ägär dä 3-6 ay eçendä çirgä däwa tabılmasa virusnıñ Taiwanğa yözlärçä million dollarğa töşäçägen sanap çığardı. Singapur premyer-ministrı Goh Chok Tong, yaña tör pnevmoniä böten könçığış Aziädä turismğa tiskäre tä’sir yasadı, dip belderde. Hong Kongta sälämätlek saqlaw räsmiläre virusnıñ taraqannardan taralu ixtimalın tikşerä.

XS
SM
MD
LG