Accessibility links

пәнҗешәмбе, 8 декабрь 2016, Казан вакыты 17:27

Qazannı saqlawçılarğa häykälneñ yaña proyıktı täqdim itelde


Uzğan xäbärlräebezdä Qazannı saqlawçılarğa quyılası häykäl maketınıñ ğomere ozın bulmawı turında söyläp kilä idek. Yäşel piramidağa kilep bärelgän qızıl yädrä räweşendäge proekt küpçelekneñ küñelenä yatışlı bulmadı. Küptän tügel Tatarstan Arxitektorlar berlege häm Rässamnär berlege yaña proekt täqdim ittelär. İke variantnıñ berse – dürt bağanığa utırtılğan suğışçı başlığı, ikençese – Şähri Bolğar gömbäzläre räweşendä. Proektnı tikşerergä cıyılğan cämäğätçelek ike variantnı da tänqitlägän. Bu proektta 1552 yılda Qazannı saqlağanda şähit bulğannar ruxın çağıldırmıy. Millätpärwärlär rässam Näfıyqov täqdim itkän Qazan qälğası divarınıñ Yärminkälär mäydanına qarağan buyına urnaştırılğan mavzoley räweşendäge proektnı xuplıylar.

XS
SM
MD
LG