Accessibility links

якшәмбе, 4 декабрь 2016, Казан вакыты 04:59

Russiä fransuzlarnıñ mäşhür çit il legionınmı buldırmaqçı?


Russiä bälkim dä tizdän eleke Sovet Respublikalarınnan ixtiarilär cälep itep professional armiä tözügä taba adım atlamaqçı . Liberal säyäsätçelär yäşlärne armiägä alunı tuqtatırğa öndäp kilsä dä, bu planğa şik belän qarıy.

Russiä Fransuzlarnıñ mäşhür çit il legionınmı buldırmaqçı? Ägär dä Russiä saqlanu ministırı rus-bulmağan keşelärne armiägä alu planın ğämälgä quysa, cawap äyye bulaçaq. Saqlanu ministırı Sergei İvanov eleke sovet respublikaları watandaşların ğına cälep itep, zur öleşe ixtiarilärdän torğan professional armiä buldırmaqçı. 3 yıl xezmättän soñ Russiä watandaşlığın birü , etärgeç dip qaralğan. Russiä Dumasında SPS yäki Uñ köçlärneñ Liberal Berlege xärbilärne tüläülü professional armiägä äyländerü fikeren yaqlap kilä.SPS citäkçese Boris Nadejdin süzlärençä (audio) Saqlanu Ministırı İvanov 2-nce pareldä Konsomolsakaya Prawda gazetasına birgän ängämädä üz mäqsatları turında söyläp, Russiä watandaşlığı etärgeç bulaçaq, alar ruslardan yaxşıraq bulırğa tırışaçaq, çönki xata yasasalar quılaçaqların belä dip äytkän. Armiägä çit il keşelären alu yañalıq tügel . Fransiäeneñ çit il legionında 130ildän 6meñ ğäskär tora. Britaniädä 3,500 nepalle gurkalar xezmät itä. AQŞları armiäsendä 31meñ çit il keşese xezmät itä. Alar Amerika watandaşlığı alu öçen armiägä kerde. Mäskäüdä İminlek vä Strategik Tikşerülär İnstitutınnan Sergei Kazyonnov plannı yaqlap, eleke sovet respubliklarında millionnarça rusça söyläşüçe keşe yäşi , Russie xärbi bülekläre BDB illärendä misal öçen Tadcikstanda 201nçe armiä diviziäse xezmät itä dip äytep bolay dide( audio) İvanov etnik antagonizm buldırmas öçen çit il rekrutları ruslar küpçelektä bulğan büleklärgä urnaştırılaçaq di. Xärbilär armiädä inde 130meñ çaması ixtiari bar, alarğa urtaça alğanda 150dolllar tülänä dip äytä. Eleke sovet respublaiklarında urtaça xezmät xaqı 100dollardan da kimräk bulğanlıqtan aqça bälkim dä etärgeç bulır. Älege waqıtta Russiädä yılsayın 18 belän 27 arasındağı 400meñ çaması yäş armiägä alına. Ämma cimerelä barğan armiädä yıllıq kuotalarnı tutıru qıyınlaşa bara. Yılsayın 30-meñ çaması yäş, sälämätlekläre qaqşağan, yäki alkogol, narkotikağa sabışqan buluı säbäple armiägä alına almıy. İkençeläre tanış beleş , rişwät häm başqa çaralar qullanıp armiädän qotılu yulın qarıy. Armiä şartları da qotoçqıç, rektutlarnıñ qıynalu, üterelü waqıyğäläre, deserterlek kiñ cäyelgän.Yıllıq deserterlar sanı 2500-3meñ dip belderelä. Xärbilärneñ yuğarı citäkçelege qarşılıq kürsätsä dä, xökümät älege 1million 100meñ keşelek armidän, professional, ixtiari xärbi köçlär buldırırğa teli. Xökümät ütkän sintäberdä Pskovtağı 3nçe desant diviziesendä ixtiarilär proyektın başlap cibärde.Planlaştırılğan reformalarnıñ 2 fazası kiläse yılda başlana häm 2007gä qädär däwam itä.Şul waqıt eçendä 170meñ tüläwle ğäskär alına , İvanov bu çara in kimendä 100milliard rublgä töşäçäk di. SPScitäkçelräennän Xakamada xärbi mäqsatlarğa şik belän qarıy (audio) Saylau yılında SPS professional armiä köçle armiä digän plakatlar yäbeştergän ide. Partiä ,reformalarnıñ berençe adımı mömkin bulğan qädäre tizlektä atlanırğa tieş , ul 20milliardtan alıp 30milliard rublğa töşeçäk dip belderde. . Bu inde yıllıq xärbi budjetnıñ unnan ber öleşennän dä azıraq digän süz. Ämma xärbi belgeçlär Mäskäüneñ professional armiä oyıştıru sälätenä şiklänep qarıy, çönki ixtiari armiä , qatmarlı häm qıybatqa töşkän reformalar taläp itä. Kazyonnov xärbilär älegäçä Pskovta yaña toraqlar öçen 100million dollar sarıf itte dip äytte .SPStan Nadejdin bolay di(audio) Kazyonnov qayber farazlarğa qarağanda reformalarnıñ berençe basqıçı öçen SPS quyğan miqtardan 15märtäbä artıq aqça kiräk bulaçaq di, ul şulayuq älege şartlarda ixtiarilär armiäse täsirleräk bulır mikän digän sorau da quya , Tönyaq Kafkazda suğışqan tüläüle soldatlar disiplinlıraq yäki yaxşıraq suğışuların kürsätmäde dip äytä.Kazyonnov fikerençä xärbi problemalarnı ber adım atlap , professional armiä buldırıp qına xäl qılıp bulmıy . Kazyonnov (audio) Kazyonnov ägär dä bez Çeçnä kebek regional konfliktlarğa kersäk, beräü dä bezneñ armiägä quşılırğa telämäs dip äytte.

Färidä Xämit, Praga
XS
SM
MD
LG