Accessibility links

җомга, 9 декабрь 2016, Казан вакыты 18:27

Törkmänstan häm Rusiä arasında gaz ölkäsendä xezmättäşlek turında 25 yıllıq kileşügä qul quyıldı


Törkmänstan häm Rusiä prezidentları Saparmorat Niyazov häm Vladimir Putin tabiği gaz ölkäsendä xezmättäşlek turında 25 yıllıq kileşügä qul quydı. İtar-Tass mäğlümat agentlığı xäbär itüençä kileşüdä, Rusiäneñ Törkmän gazın satıp aluı, Rusiäneñ Törkmänstandağı yaña gaz çığanaqların tabuğa aqça bülep birüe häm ike yaqtan da gaz ütkärgeçlären zamançalaştıru kebek eşlär qaralğan. İke däwlät citäkçese şulay uq iminlek mäs’älälärendä xezmättäşlek turındağı kileşügä qul quydı häm uzğan yılda ğamäldän çıqqan duslıq turındağı kileşüne yañartqan protokolnı imzaladı. Niyazovnıñ Mäskäwgä ike könlek säfäreneñ berençe könendä bügen Rusiädäge Törkmänstan ilçelege qarşında 30ğa yaqın keşe protest çarasına cıyıldı. Uram cıyınında qatnaşuçılar Rusiäneñ –Törkmänstanda keşe xoquqların bozuda ğayeplängän Niyazov belän xezmättäşlek itüen täñqitläde.

XS
SM
MD
LG