Accessibility links

җомга, 9 декабрь 2016, Казан вакыты 18:29

Räfqät Altınbaev Federatsiä Şurasınnan kire çaqırtılıa


Comğa köngä bilgelängän Tatarstan Däwlät Şurasınıñ 15nçe plenar sessiäseneñ kön tärtibenä aldan bilgelängän 8 mäsälägä tağın 49 östälde. İñ şaqqatırğıçı, älbättä, Federatsiä Şurasındağı Tatarstan wäkile Räfqät Altınbaevnı wäqälätennän buşatu. İnde söylägänebezçä, qayber mäglümat çaralarında mondıy farazlar bulsa da, küpçelek xäkimiättäge qarşılıq şul däräcägä barıp citär dip uylamıy ide. Räsmi xäbärlärdä senatornı aşığıç räweştä çaqırtıp alu mäsäläsen qaraw turında parlamentqa prezident Mintimer Şäymiev ukazı kilgän, dielä. İnde “Комсомольская правда“ gäzitendä älege wäzğıätkä komentariy da uqırğa bula. Anda Räfqät Altınbaevnıñ 1998 yılda, kommentariyda äytelgänçä, “zur çistartudan” soñ Mäskäwgä Rusiäneñ awıl xucalığı ministrı urınbasarı wazifasına kitüe, 2001 yılğı prezident saylawlarında Şäymievkä köndäşlek itärgä cıyınuı, bu telägennän waz kiçkän öçen imeş, anıñ Fediratsiä Şurasına Tatarstan wäkile itep bilgelänüe tarixı iskä alına. Axırda, ägärdä bu xäl bula qalsa, Altınbaevnıñ kiläçäktä Tatarstan täxetenä saylawlar yarışında qatnaşu öçen qulları çişelä digän näticä yasala. Tıñlawçılarıbız öçen 15nçe plenar sessiäneñ tağın ber qızıqlı mizgele: kön tärtibennän Rusiä Fediratsiäse Konstitutsion mäxkämäsenä latinğa küçü turında soraw quyu mäsäläse töşerelep qaldırıldı. Däwlät Şurası räise Färit Möxämmätşin monı Konstitutsion mäxkämädä inde bolayda ike soraw buluı, şularnıñ berse qaraluğa quyıluı belän añlattı.

XS
SM
MD
LG