Accessibility links

якшәмбе, 11 декабрь 2016, Казан вакыты 03:18

Näfis süz ostası Ayrat Arslanovqa – 75 yäş


Tatarstannıñ häm Rusiäneñ xalıq artistı Ayrat Arslanovqa 75 yäş tuldı. Bu xaqta tatar matbuğatı kinänep yazmasa da, comğa könne “Şähri Qazan” gazetı Ğ.Tuqay isemendäge däwlät büläge iäse Robert Äxmätcannıñ “Zatlı süz iäse” digän mäqäläsen bastırıp çığardı. “Ayrat Arslan, - dip yaza Robert äfände, – üzeneñ sänğättäge töp wazıyfasın ğorur totqan xäldä, yazuçı belän uquçı, şağir belän tamaşaçı arasında inde yartı ğasır üzenä ber wäkälätle ilçe rolen başqarıp kilä. Millätneñ ruxın saflandıra, anıñ telen saqlap qaluda üzeneñ köç-ğäyräten qızğanmıyça xezmät itä.”

Arslannıñ olı yubileyı uñayınnan äytelgän barlıq cılı süzlärgä quşılıp, “ozaq yäşägez, mäñgelekkä igelekle xezmät itüegez tağın da däwamlı bulsın!”- diäse kilä.

Damir Ğısmetdin, Qazan.

XS
SM
MD
LG