Accessibility links

шимбә, 10 декабрь 2016, Казан вакыты 06:17

Säddämneñ yaqın kiñäşçese general Ämir Al-Saadi Amerikan ğaskärlärenä birelde


Säddäm Hösäinneñ yaqın yardämçese, fänni mäs’älälärdäge kiñäşçese Ämir Al-Saadi bügen Bağdadta Amerikan ğaskärlärenä birelde. Suğışqa qadär Al-Saadi Berläşkän Millätlär Oyışmasınıñ qoral tikşerüçeläre belän xezmättäşlek itkän ide häm matbuğat oçraşuları uzdırğan ide. Ğiraqqa Kuwaittan östämä Amerikan ğaskärläre kiterelä. Ğaskärlärneñ wäkile kapitan Frank Thorp, Ğiraqqa 4nçe cir öste diviziäse kilep urnaştı, dip xäbär itte. Xärbilärneñ sanı turında ber süz dä äytelmäde. General Vincent Brooks, xärbi çaralar äle tämamlanmadı, dip belderde. “Tağın ber tapqır basım yasap äytäm-xärbi çaralar äle tämamlanmağan. Bez äle dä rejim qaldıqların beterergä tırışabız, Ğiraq xalqınnan mäğlümat cıyabız, Bağdadta häm ilneñ başqa töbäklärendä çistartular alıp barabız, häm bu mäs’älädä eşlänäse eşlär bar äle. Ğaskärlär şular belän mäşğül”, dide Brooks. Tönyaqta bulğan Tikrit şähäre Ğiraq ğaskärläre kontrolendä. İlneñ könyağındağı Basra şähärendä Britan xärbiläreneñ matbuğat wäkile ğaskärlär mömkin bulğaç ta tärtip saqlaw eşen cirle politsiä belän berlektä başqaraçaq, dip belderde. Bu turıda qarar, kiçä Amerikan maxsus cir öste ğaskärläre-marinnarnıñ intixar terrorınnan saqlanıp maşinada bulğan ike balanı atıp üterüennän soñ qabul itelde.

XS
SM
MD
LG