Accessibility links

җомга, 9 декабрь 2016, Казан вакыты 12:52

Pxenyan AQŞ belän atom töş programması turında söyläşülär başlarğa äzer


Könyaq Korea prezidentı Noh Moo-Hyun, Tönyaq Koreanıñ atom töş qoralı tiräsendäge kierenkelek tınıç yul belän çişelmäsä-monıñ böten dönya öçen faciğa bulaçağın belderde. “Tönyaqnıñ, üzendä atom qoralın cäyelderüenä qul seltärgä yaramıy, läkin nizaqnı barı tik tınıç yullar belän çişergä kiräk, dide Könyaq prezidentı. Seoul, Pxenyannı atom qoralın yuq itep dönya belän elemtägä kerergä ügetlärgä tırışa. Tönyaq Koreanıñ räsmi xäbärlär agentlığı tışqı eşlär ministrlığınıñ belderüen tarattı. Belderüdä, Pxenyannıñ, Quşma Ştatları belän här törle şartlarda oçraşırğa riza buluı äytelä. Läkin anıñ öçen Quşma Ştatları Korea säyäsäten üzgärtergä tieş. Kiçä genä Pxenyan üzeneñ atom qoralı programmasınnan baş tartmayaçağı turında beldergän ide. Häm Tönyaqnıñ däwlät televideniäse-ilgä Berläşkän Millätlär Oyışmasınıñ qoral inspektorların kertü-ıştanıñnı salu belän ber bulaçaq, digän süzlär tapşırdı.

XS
SM
MD
LG