Bügen Misır başqalasında Fransiäneñ tışqı eşlär ministrı Dominique de Villepin, Misır prezidentı Hösni Möbäräk belän oçraşqaç, Ğiraqta iminlek urnaşu belän , ilgä kire Berläşkän Millätlär Oyışması inspektorları qaytıp küpläp üterü qoralın ezläw eşen däwam itergä tieş, dip belderde. Şulay uq, De Villepin süzlärençä, Säddäm Hösäin rejimı bärep töşerelde, Ğiraq tarixında yaña çor başlana, şunıñ öçen suğış tiräsendäge bäxäslärne däwam itüneñ inde mäğnäse qalmadı. Fransiä belän Quşma Ştatları arasındağı mönäsäbätlärdä Ğiraq suğışı mäs’äläsendä çıqqan fiker ayırmalıqlarınnan soñ äle dä sülpänlek xökem sörä.
