Accessibility links

якшәмбе, 11 декабрь 2016, Казан вакыты 07:26

Powell: AQŞ ğaskärläre Ğiraqta küpläp üterü qoralın tabaçaq


BBC kanalına birgän äñgämäsendä Amerika Quşma Ştatları däwlät sekretare Colin Powell, koalitsiä köçläre Ğiraqta küpläp üterü qoralların tabaçaq, dip belderde. “Küpläp üterü qoralların tabaçaqbız. Soñğı 3 atna suğış bardı, xärbi çaralar tämamlanğaç ta, bez iğtibarnı küpläp üterü qoralın ezläwgä biräçäkbez häm anı tabarbız, dip uylıym”, dide Colin Powell. Ğiraqnıñ biologik, ximik häm atom töş qoralğa iä bulu ixtimalı-Quşma Ştatlarnıñ Ğiraqqa suğış iğlan itüeneñ töp säbäbe ide. Älegä qadär ildä nindi dä bulsa küpläp üterü qoralı tabılmadı. Powell şulay uq, Quşma Ştatları kiläse Ğiraq citäkçesen bilgelämäde, dip belderde. Powell süzlärençä, “Ğiraq prezidentın bilgeläw-Amerika eşe tügel.”

XS
SM
MD
LG