Accessibility links

җомга, 9 декабрь 2016, Казан вакыты 14:42

Xalıqara säxnädä Ğiraqnı tözekländerü eşen caylaw turında söyläşülär başlandı


Britaniä tışqı eşlär ministrı Jack Straw bügen Farsı qultığı däwlätläre buylap säfären Bahraindan başladı. Britaniä tışqı eşlär ministrlığı şulay uq, Straw Kuwait, Qatar häm Söğed Ğaräpstanğa baraçaq, dip xäbär itte. Bu säfärdän soñ Straw çärşämbe könne Afinda uzaçaq Yevropa Berlegeneñ kiñäyüenä bağışlanğan cıyında qatnaşaçaq. Fransiä tışqı eşlär ministrı Dominique de Villepin bügen Beirutta Ğiraqnı tözekländerü turında Livan räsmiläre belän söyläşülär uzdırdı. Fransiä wäkile, xäzerge waqıtta Amerika Quşma Ştatlarğa Süriäne Säddäm rejimın yaqlap tiruda ğayeplär öçen yaxşı waqıt tügel, dip belderde. Monıñ urnına böten tırışlıqlnı Ğiraqnı tözekländerügä häm Yaqın Könçığışta tınıçlıq urnaştıruğa quyarğa kiräk, dide De Villepin. Amerikan räsmiläre küptän tügel Süriäne Ğiraqqa qoral satuda ğayepläde. Däwlät Sekretare Donald Rumsfeld ta bügen Süriäne, üzendä qayber elekke Ğiraq citäkçelären sıyınu birüe öçen täñqitläde. Süriä isä bu ğayepläwlärne nigezsez dip atıy. Beiruttan soñ Dominique de Villepin-Yaqın Könçığış buylap säfäreneñ soñğı tuqtalışı bulğan Söğed Ğaräpstanğa kitte. “Ğiraqta demokratik cämğiät tözü başlanğanda Baath partiäse tamırdan yuq itelergä tieş”. Bu xaqta Säddäm Hösäingä oppozitsiädä bulğan Ğiraq Mili Kongressı başlığı Ahmad Şalabi BBC kanalına birgän äñgämäsendä belderde. Şalabi şulay uq, Ğiraq oppozitsäise wäkillärenä Ğiraqnıñ küçeş çorı xökümätendä urın birü yaqlı, üzeneñ isä citäkçe urınnarınıñ bersen alırğa teläge bulmağanın äytte Şalabi. 40 yıldan artıq ğömeren Ğiraqtan çittä yäşähän Ahmad Şalabi, tuğan ilenä Amerikan citäkçelegendäge xärbi çaralar başlanu aldınnan kire qayttı.

XS
SM
MD
LG