Accessibility links

сишәмбе, 6 декабрь 2016, Казан вакыты 18:56

Körd ğaskärläre Kirkuk häm Mosuldan kitte


Törkiäneñ tışqı eşlär ministrı Abdullah Gül, tönyaq Ğiraqtağı Mosul häm Kirkuk şähärlärennän körd ğaskärläre çığıp kitte, dip xäbär itte. Bu xaqta Gül CNN-Törk televideniäse aşa belderde. Ägär dä kördlär Mosul häm Kirkuk şähärlärennän kitmäsä, Törkiä bu ike şähärgä üz ğaskärlären kertäçäge belän yanağan ide. Kördistan Patriotlar Berlege citäkçese, Ğiraq kördläreneñ yulbaşçısı Jalal Talabani, kürşe däwlätlär Ğiraqnıñ eçke eşlärenä tıqşınırğa tieş tügel, dip belderde. Frans Press mäğlümat agentlığı, Talabani süzlären kiterep, Ğiraq xalqı İran, Jordaniä, Süriä häm Törkiä yardäme bulmıy torıp ta üz yazmışın xäl itä ala, dip xäbär itte. Xäzer irekle Ğiraqnıñ tönyaq töbäklärendä kördlär, ğaräplär, törkmännär häm ässüriälelär tınıç häm dustanä mönäsäbättä yäşi alaçaq, Bağdadnıñ böten millätlärne ayıru teläge tormışqa aşmadı , dide Talabani. Tağın ber Körd yulbaşçısı Massoud Barzani, Törkiägä işarä yasap, kürşe däwlätlärneñ Ğiraqnıñ bötenlegen xörmät itep ilgä basıp kermiäçägenä ömetlänüen belderde.

XS
SM
MD
LG