Accessibility links

шимбә, 3 декабрь 2016, Казан вакыты 22:54

Macarstan häm Malta xalıqları Yevropa Berlegenä kerüne yaqladı


Kiçä Macarstanda uzğan referendumda xalıqnıñ 80%tan artığı Yevropa Berelgenä kerüne xuplap tawış birde. Referndumğa kilüçelärneñ sanı bik az bulsa da-tawış birü näticäläre qabul itelde. Yevropa Berlegeneñ Başqarma Komitetı Macarstan xalqınıñ qararın xuplap çıqtı häm bu adım-Macarstannıñ Yevropadağı demokratik illärdän faciğale ayırılu çorınıñ betüen añlata, dip belderde. Yevropa Berlegenä kerü turında şundıy uq referendumnar tağın ike namzät il-Litvada 11 may könne häm Slovakiädä 16 may könne uzaçaq. Malta başqalasında bügen xakimiättäge Millätçe Partiäse ciñüne bäyräm itte. Premyer-ministr Eddie Fenech Adami, çärşämbe könne Malta xalqı isemennän ilneñ Yevropa Berlegenä kerü turındağı kileşügä qul quyaçağın belderde. Kiçä tawış birüdä qatnaşqan xalıqnıñ küpçelege –Berlekkä kerü yaqlı bulğan Millätçe Partiäsen sayladı. Oppozitsiädäge Leyborist firqase Maltanıñ Yevropa Berlege äğzase buluına qarşı çıqqan ide.

XS
SM
MD
LG