Accessibility links

шимбә, 10 декабрь 2016, Казан вакыты 23:34

Luxembourg’ta Yevropa Berlege tışqı eşlär ministrları cıyıldı


Belarus citäkçelege wäkillärenä kerü röxsäte birmägän 14 Yevropa däwlätläre bügen bu çikläwne ğamäldän çığaruları turında belderde. Uzğan yılnıñ noyabr ayında şuşı çikläwlärne kertüne yaqlap Yevropa Berlegeneñ 14 äğzase tawış birgän ide, Portugaliä genä qarşı çıqtı. Yevropağa kerü röxsäte küptän tügel Minskida Yevropada İminlek häm Xezmättäşlek Oyışmasını bülekçäseneñ açıluına reaksiä bularaq qabul itelde. Häm Yevropa Berlege diplomatınıñ Azatlıq radiosına birgän mäğlümatlärenä qarağanda, Berlek Belarus wäkilläreneñ Afinda bu atnada uzaçaq yuğarı däräcädäge cıyında qatnaşuın teli. Belarusta xällär yaxıruğa taba barsa da Yevropa Berlege tışqı eşlär ministrları, respublikada demokratiäneñ qısıluına borçılu belderde. Dönya cämäğätçelege iğtibarı Ğiraqnı tözekländerügä yünälgän bulsa da Yevropa Berlege tışqı eşlär ministrları Äfğanstannı ayaqqa bastıru tırışlıqları turında da onıtmasqa çaqırdı. Luxembourg’ta oçraşqan 15 Yevropa däwläte tışqı eşlär ministrları, Berlek Äfğanstanğa daimi yardäm cibärep tordı, dip belderde. Bügen kiçen Yevropa däwlätläre wäkilläre Äfğanstan tışqı eşlär ministrı Abdullah Abdullah belän oçraşıp reformalar häm xalıqara yardämne taratu turında fiker alışa. Abdullah häm Äfğanstan prezidentı Hamid Karzai, könbatışqa, berençelekne Ğiraqqa birep Äfğanstannı onıtmasqa sorap möräcäğät itte. Kiçä Belärşkän Millätlär Oyışmasınıñ qaçaqlar agentlığı Äfğanstanda tulayım alğanda iminlek yaxşırsa da, tege yäki bu töbäktä totrıqsızlıq qala äle, dip belderde.

XS
SM
MD
LG