Accessibility links

якшәмбе, 11 декабрь 2016, Казан вакыты 03:35

Tatarstan delegatsiäse Yaponiädä


Düşämbe könne yıraq Yaponiädä Tatarstan digän süz yış iskä alınğan bulırğa tieş. Çönki anda Röstäm Minnexanov citäkçelegendäge delegatsiä eş säfäre belän yöri. Delegatsiägä Tatarstannıñ säwdä häm tışqı elemtälär ministrı Xafiz Salixov, Tübän Kama şähäre başlığı İlsur Metşin, Neftexim şirkäte citäkçese Vladimir Busıgin kebek şäxeslärneñ kerüe Yaponiä firmaları belän Tatarstannıñ eksportqa kitä torğan malların satuçı şirkätläre arasındağı xezmättäşlek turında söyli. Äye, respublikağa aqça kiräk. Xäzerge iqtisadıy köndäşlek şartlarında, bigräk tä neft' bäyäläre tübän töşep kitkän oçraqta qaznanı bayıtu bik awır. Uzğan atna başında Qazan şähäre başlığı Kamil İsxaqovnıñ Waşingtonğa barıp zur banklardan investitsiälärne Qazannıñ 1000-yıllığına kertü turında söyläşep yörgän ide. Här şirkät, här töbäk üze turında üze qayğırtmasa, eşlär xarap.

XS
SM
MD
LG