Accessibility links

шимбә, 10 декабрь 2016, Казан вакыты 02:13

Çulpan Xamatova Qazanda


İğtibar itäsezme, soñğı yıllarda tatar familiäle sportçılar, artistlar, ğalimnär böten Rusiä häm xalıqara däräcädä tanılıp toralar. Şağir Röstäm Qutuy häm Al'bina Absalyamovadan başlap, kompozitor häm muzıkant Sufiä Ğobäydullina, romanslar yırlawçı Yuliä Cihanşinalarğa qädär üzläreneñ talantları belän populyarlıq yawlıy. Alarnıñ kübese tatar mädäniäten, tatar telen belä, dip äytep bulmıy. Ämma alarnıñ ruxi energiäläre, näsellär cebennän kilgän nindider programmaları sizelep tora. Härxäldä, Qazannan qarağanda şulay toyıla. Küptän tügel berkemgä dä bilgesez Qazan qızı Çulpan Xamatova xäzer çit illärdä bilgele artistka. Düşämbe könne ul “Yaña ğasır” televideniesendä çığış yasadı. Bik möläyem, bik zatlı millättäşebez Rusiä häm rus mädäniäteneñ iñ yuğarı qazanışların tudıra. Sişämbe kiçendä Çulpan Xamatova icatına bağışlanğan kiçä Ofitserlar yortında, yäki döresräge, elekkege “Победа” kinoteatrında ütäçäk. Çittän qarağanda, äle genä student urındığınnan torğan Çulpan böten dönyanı şaqqatırğaç, tuğan şähärenä qaytıp, xisap tota.

XS
SM
MD
LG