Söyläşüdä Ğiraqnıñ üzendäge kördlär, şiği häm sönni möselmannar, şulay uq küp yıllar buyı çit illärdä yäşägännär dä qatnaştı.
Bu oçraşu ğiraqlılar citäkçelekne alğançığa qädär eşläiäçäk küçeş çorı xökümäten citäkläw öçen bilgelängän pensiädäge AQŞ generalı Jay Garner küzätüe astında ütärgä tieş ide.
Ämma töp oppozitsion şiği törkem, İranda nigezlängän Ğiraq islam İnqilabı Yuğarı Şurası AQŞ plannarına qarşı buluın belderde häm oçraşuğa boykot iğlan itü belän yanadı.
Bügen Nasiria şähärendä Ur oçraşuına qarşı demonstratsiädä meñnärçä ğiraqlı qatnaştı.
Garner törkemendäge Britaniä wäkile general mayor Tim Cross küçeş çorı xökümäte öç-altı aydan xakimiätne Ğiraq räsmilärenä tapşıra başlarğa mömkin, ämma xökümät oyıştıru ozaqqaraq suzılaçaq dide.
