Uzğan atnada Britaniä premyer-ministrı Tony Blair Ğiraqnı tözekländerüdä BMOğa möhim rol’ bireläçäk digän ide.
Ämma bügen Qatarda çığış yasap Straw monıñ öçen Şura äğzalarınıñ izge niäte häm çın küñeldän birelgänlege genä citmi dide.
İminlek Şurasındağı 5 daimi äğza Britaniä, Quşma Ştatlar, Russiä, Qıtay häm Fransiä fiker ayırmalıqlarınnan qotılıp Ğiraqtağı çınbarlıqqa turı kilgän oxşaş konstruktiv mönäsäbät kürsätergä tieş dide Straw:
AUDİO: BMO İminlek Şurası äğzaları, bigräk tä veto xoquqına iä bulğan daimi äğzalar uyın uynamıyça, bu yaña çınbarlıqnı tanırğa häm ğiraqlılar faydasına eşlekle qararlar qabul itep alğa taba barırğa tieş.
