Accessibility links

пәнҗешәмбе, 8 декабрь 2016, Казан вакыты 23:06

İspaniä premyer-ministrı Jose Maria Aznar Süriägä qarşı xärbi çaralar kürelmäs dip isäpläwen belderde.


Vawşava kilgäç matbuğat oçraşuında çığış yasap Aznar Ğiraqtağı nizağ Quşma Ştarlarnıñ Süriä ximik qorallar yasıy häm Ğiraq citäkçelären sıyındırğan bulırğa mömkin digän ğäyeplärläre nigezendä Yaqın Könçığıştağı başqa illärgä taralmas dip uylawı turında äytte. Aznar mömkin qädär tizräk Süriä prezidentı Bäşär äl-Ässad belän söyläşergä teläwen belderde. Mäğlüm bulğança, Ğiraqta suğış axırına yaqınlaşıp kilgändä AQŞ citäkçelege iğtibarnı Süriägä yünältep anı däwlät terrorçılığında, küpläp üterü qoralları yasawda häm Ğiraqtan qaçuçı räsmilärne sıyındıruda ğäyepläde. Britaniä premyer-ministrı Straw Süriägä xäzer bu ğäyeplärlärneñ nigezdez buluın raslaw mömkinlege birelä dide. Bügen Törkiä tışqı eşlär ministrı Abdulla Gul Lüksemburgta Yewropa Berlege räsmiläre belän oçraşudan soñ çığış yasap Ğiraq suğışı axırına yaqınlaşıp kilgändä Yaqın Könçığışqa totrıqlılıq kiräk dip äytte.

XS
SM
MD
LG