Toraq xucalıq, sotsial' mäsälälär, xoquq saqlaw ölkäsendä dä 2002 yılda berençe urınğa çıqqannar. Monıñ xaqında Tatarstanda keşe xoquqları komissarınıñ 2002 yılda eşçänlege turında xisap notığında äytelä. Xisap bik külämle häm anıñ töp öleşe grajdannarnıñ Tatarstan prezidentına, Däwlät Şurasına, Ministrlar Kabinetına, törle ministrlıqlarğa, däwlät oyışmalarına möräcäğätlären, şikäyätlären analizlauğa bağışlanğan. Mondıy möräcäğätlär ber cirdä beraz kimesä, başqa cirdä şaqtıy ğına artqan. Dokladtan ber özek. “Grajdannarnıñ Tatarstannıñ däwlät xakimiäteneñ törle oyışmalarına häm şul isäptän, keşe xoquqları komissarına möräcäğätlären analizlau respublika xalqı öçen sotsial'-iqtisadi xoquqlarnı ütäw häm yaqlaw möhim häm prioritetlı xäl itüne taläp itälär digän näticä yasarğa etärä”.
