Accessibility links

шимбә, 10 декабрь 2016, Казан вакыты 11:57

Süriä-küpläp üterü qorallarınnan azat bulğan Yaqın Könçığış yaqlı


Tışqı eşlär ministrı Farouq al-Shara, Süriä xökümäteneñ Yaqın Könçığışta küpläp üterü qoralların cäyelderüne tıyğan kileşügä qul quyarğa riza bulğanın belderde. “Süriä xökümäte, Berläşkän Millätlär Oyışması ximayäsendä, Yaqın Könçığışnı küpläp üterü qorallarınıñ bar törläre-atom, ximik häm biologik qoraldan azat itü turında kileşügä qul quyarğa äzer” dide al-Shara. Al-Shara bu xaqta Australiäneñ SBS çeltärenä birgän äñgämäsendä belderde. Tışqı eşlär ministrı Süriäneñ ximik qoralğa iä buluın kire qaqtı. Moña qadär Quşma Ştatları berektäşläre bulğan Farsı qultığındağı qayber ğaräp däwlätläre dä Süriädä ximik qoral bulu ixtimalın kire qaqtı. Berläşkän Millätlär Oyışmasındağı ğaräp diplomatları-Yaqın Könçığışta ximik qoralğa iä bulğan berdän ber däwlät –İsrael, dip belderde, häm İminlek Şurasınnan Yaqın Könçığışta küpläp üterü qoralın cäyeldermäw turında rezolyutsiä sorarğa cıyınuların äytte. Xäbär itelmäsä dä, İsraelneñ şaqtıy külämdä atom töş arsenalına iä bulğanı mäğlüm. Quşma Ştatlar däwlät sekretare Colin Powellğa, İsraelneñ qoral programması turında sorawlar birelgändä, Powell, İsraeldä xalıqara tikşerülär alıp barıla dip cawap qaytara. İsrael belän Süriä häm İsrael belän Livan arasında tınıçlıq urnaşqaç böten äyber üz cayına qaytaçaq, dide. Şulay uq bügen İran prezidentı Mohammäd Khattami, Quşma Ştatlarnı Süriägä yanawların tuqtatırğa çaqırdı.

XS
SM
MD
LG