Accessibility links

пәнҗешәмбе, 8 декабрь 2016, Казан вакыты 19:10

Pekin SARS virusın yoqtıru oçraqlarınıñ barısı turında xäbär itmägän


Dönya Sälämätlek Oyışması, Qıtay üpkä yalqınsınuınıñ yaña töre, SARS virusı turındağı yäşren mäğlümätne xärbi xastaxanälärdä saqlıy, dip belderde. Moña qadär virusnı yoqtırğanı turında xäbär itelmägän oçraqlar xärbi gospitallärdä tabılğan. Qıtay räsmiläre dä, ildä pnevmoniäneñ yaña töre belän awıruçılar turında, xärbi xastaxanälärdän qala, böten mäğlümatne birüläre turında beldergän ide. Qıtayda SARS virusınnan 65 keşe ülgän, alarnıñ 40ğı-Pekinda. Dönya Sälämätlek Oyışmasınıñ yoğışlı awrular belgeçe Alan Schnur, 12 million xalqı bulğan Qıtay başqalasında SARS virusın yoqtıru qurqınıç zur tügel, dip belderde. Bügen Hong Kong räsmiläre, bu çirdän tağın 5 keşe ülde, dip xäbär itte. Hong Kongta SARS virusı kimendä 62 keşeneñ ğömeren özde. Singapurda bügen SARS çirennän 13nçe keşe ülde.

XS
SM
MD
LG