Accessibility links

якшәмбе, 4 декабрь 2016, Казан вакыты 19:30

Rafail Xäkim: “Tatarstan deputatların 2004-neñ martında saylayaçaqbız”


Tatarstanda sawlaw aldı kompaniäse başlanıp kitte dip sanalsa da, respublika deputatları älläni aktivlıq kürsätmi. Mäğlümat çaraları, Tatarstan parlamentı sentäberdä, saylawlarğa 3 ay qala, üz-üzen tarataçaq, digän xäbärne inde ällä qayçan tarattı. Bu fiker törle tapşırularda, mäqälälärdä, intervyularda qabatlandı. Xätta Parlament räise dä, şul turıda uylıbız, dip äytep taşlağan ide. Şulay itep, dekaberdä ütäse Duma saylawları belän Tatarstan däwlät şurası da saylanaçaq digän fiker, inde xäl itelgän mäsälä dip sanaldı. Ämmä, xäl itelmägän ikän äle. Tatarstan Prezidentınıñ säyäsi kiñäşçese Rafail Xäkim «Azatlıq» radiosına birgän intervyusında bu mäsälägä açıqlıq kertte.

Saylawlar Tatarstanda da bulaçaq, älbättä. Xäzer bez parlament nindi bulırğa tieş, dip uylıybız. Minem fikeremçä, ul ike palatalı bulırğa tieş. Äle bez uylanabız. Minemçä saylawlar kiläse yılnıñ mart ayında ğına bulır, dekaberdä tügel. Rafail Xäkim küplärgä milli xäräkät wäkile, ğalim häm säyäsätçe bularaq tanış. Anıñ «Kem sin tatar?» digän mäqälälär şälkemen dä gäzit uquçıları xäterlider. Şunıñ östäwenä ul wäqälätlärne almaşu turındağı qanunnı eşläwdä dä qatnaştı. Prezident Şäymievqa kiñäşlär birgän keşe bularaq, aña modağa kerep barğan «Berdäm Rusiä» firqäseneñ nigezlämäse häm Tatarstan mänfäğätläre turındağı sorawnı birmi qalmadıq:

Ul partiä federalizmğa iğtibar birmi ide diärlek, bez anıñ nigezlämäsenä andıy mäsälälärne kerttek. Barısı da üzebezdän tora. Minemçä, iñ awır zamannar ütte inde, bez üz fikerebezne ütkärä aldıq. Änä Çeçnya konstitutsiäsendä dä xäzer suverenitet süze bar, şartnamä tözü turında äytälär. Xäzer, saylawlar aldınnan Tatarstan häm federal Üzäk arısındağı mönäsäbätlär yaxşıra ğına baraçaq, dip uylım.

Şulay itep Rafail Xäkim yaqın arada ike aradağı mönäsäbätlärneñ yaxşıruın ğına farazlıy. Bu süzlärneñ döreslegen tikşerergä küp waqıt qalmadı, qararbız.

XS
SM
MD
LG