Accessibility links

шимбә, 10 декабрь 2016, Казан вакыты 00:24

Rusiä belän Tatarstan awıl xucalığı ministrlıqları arasında kileşü tözelde


Tatarstanğa Rusiä awıl xucalığı ministrlığınıñ räsmi wäkilçelege kilde. Delegatsiäne ministr Aleksey Gordeyev citäkli. Çärşämbe könne Rusiä häm Tatarstan awıl xucalığı ministrlıqları arasında xezmättäşlek turında kileşü tözelde. Anıñ nigezendä, agrosänäğät ölkäsen üsterü häm yañartu küz aldında totıla. Rusiä awıl xucalığı ministrı Aleksey Gordeyev belän oçraşqanda, Tatarstan Prezidentı Mintimer Şäymiev, Rusiä häm Tatarstanıñ awıl xucalığı ölkäsendä wäqälätläre urtaq, dide. Cirdä eşläwçe keşelärneñ häm qır-basularnıñ xäle öçen ike yaq ta cawaplı. Aqçanı qaysı byudjettan alu turındağı sorawlarğa, şuşı kileşüdä cawap taba aldıq, digän añlatmalar birde Tatarstan Prezidentı.

Şuşı säfär qısalarında Aleksey Gordeyev Buada yaña texnologiä nigezendä eşli torğan spirt zavodın açuda da qatnaşqan. Älege qorılış «luks» sıyfatlı spirtnı eşläw belän bergä, aşlıqnı eşkärtü belän dä şöğellänäçäk. Tatarstan Prezidentı Rusiä ministrı belän ikençe şundıy uq qorılışınıñ tözeleşen başlaw turında süz alıp bardı. Anda kleykovina, aşlıqnıñ aqsımı eşkärteläçäk dip uylanıla. Şundıy qorılmalar Tatarstanğa bik kiräk. Uñış respublikada mul bula, 5är million tona aşlıq cielğanda, anı qaya quyarğa digän soraw kilep basa ide. İnde xäzer Tatarstan xakimiätläre aşlıqnı börtekle kileş tügel, ä eşkärtep satu turında da uylıy başladı.

XS
SM
MD
LG