Accessibility links

шимбә, 3 декабрь 2016, Казан вакыты 03:20

Çulpan Xammatova häm Kärim Yäuşev icat kiçälären uzdırdı


Sişämbe könne kiç, Qazanda ike icat kiçäse buldı. Qazan ofitserlar yortında, soñğı yıllarda Mäskäwdä tanılıp ölgergän teatr häm kino aktrisası Çulpan Xammatova Qazan tamaşaçıları belän oçraştı. Monda teatr uçilişesın tämamlağan Çulpan, moña qädär, Qazanğa äti-äniseneñ xälen beler öçen genä qaytıp yöri ide. Läkin küñelendä Qazanğa aktrisa bularaq qaytu teläge bar ikän Çulpannıñ. Qızğanıç, älegä andıy mömkinlek yuq. Bu yulı Çulpan yal itärgä genä qaytsa da, Qazanda icat kiçäsen ütkärergä buldı. Älege çara dustanä ruxta ütte. Çulpan Xammatova anda Qazanda uqığan yıllarnı iskä aldı, säxnä äsärlärennän özeklär uqıdı.

İkençe binada, Qazan milli mädäni üzägendä «Azatlıq» radiosı xäbärçese, publitsist häm cämäğät eşleklese Kärim Yauşevnıñ icat kiçäse uzdı. Xäbärçebez bu könnärdä 55 yäşen tutıra. Bu kiçägä anıñ Qazandağı dusları, milli xäräkät wäkilläre, ğalimnär, yaqtaşları cieldı. Tatarstan däwlät Şurası räise urınbasarı Robert Miñnullin kiçädä çığış yasap, Başqortstan respublikasındağı tatarlar, ike kürşe töbäkneñ mönäsäbätläre turında söyläde. Bu häm kiçädä yañğırağan başqa çığışlarda milli zıyalılarnıñ berläşü kiräklegenä basım yasaldı. Kärim Yauşevnı yaqtaşı, tanılğan başqaruçı İdris Ğaziev ta qotladı häm älege kiçädä tatar xalıq cırların başqardı.

Bikä Timerova, Qazan

XS
SM
MD
LG